cari-turunlah waang dari surau-angku kapalo manyuruah japuik-japuk tabawo kini jo," katonyo dubalang Juaro Labiah-bakato jo suaro darch-sasuai bana bak kato urang-kato dubalang kato mandareh.
Mandanga kato nan bak kian-manjawab si bujang Mansun,-"Apo sababnyo hambo dijapuik-japuik tabawo kini juo-tolang tarangkan dek Mak Juaro-supayo sanang hati denai."Mandanga kato dek batupang-paja matah manjawab pulo-mahariak dubalang Juaro Labiah-"Indak usah waang banyak tanyo-eloklah lakeh waang pai-waang ka diambiak jadi minantunyo-sugiro bajalan kini juo-waden mairiang di balakang,"-kato bacampua jo camech-dek sakik hati ditupang kato.
Manjawab pulo si Bujang Mansun,-"Bari luruih hambo batanyo-maniak nan usah bagarah juo-apokoh garan sabab karanonyo-angku kapalo manyuruah japuik-manyuruah datang kakantuanyo-nak sanang pulo luati hambo,"-sambia bakato inyomalangkah-malangkah turun dari surau.
Manukeh puto Mamak Juaro-tukeh sarato jo hariaknyo,-"Leh laba bana rusuak waang-latahan di ang kaki den nangkousang waang banyak tanyo juo--den bunuah waang baiko." katonyo mamak Juaro Labiah-kapado si hujang Mansun.
Mandanga kato nan bak kian-diuruikkan dado dek si Mansun-disababakan juo malah hati-batangka-tangka tak ado guno-nan dinyo juo nan ka talu-bajalan malah bujang Mansun-manujukantua Angku Kapalo. Dek lamo lambek bajalan-jalan bacapek-capek-alah sarantang pajalanan-lah duo rantang pajalanan-jauah basatang dakek juo-dek dakek tibolah garan-iyo di kantua Angku Kapulo. Dicaliak urang alan banyak-duduak bakumpua dalam kantua-adolah kiro sapulnah urang-sadang mangadap Angku KapaFa-mananti parentah nan ka tiriak-antah apo ikolah garan-urang nam lansiang ka samonyo-sanan bakato Angku Kapalo, "Manolah Tuan-tuan kasadonyo-mangko hambo suruah datang ka mari-ado parental dari ateh-Tuan-tuan ditakuak ka rodi-pado hari nan barispak-musti barangkek basamo-samo-bakumpua di siko pagi-papa-kuto-kro puku tujuah pagi-bawoi baka surang-surang. Di samping baka surang-Surang-bawoi pulo malah pangkua-sarato
150
