Kan iyo Angku Kapalo-mancaliak si Mansun indak tibo-alah dinanti lamo sabanta-lah sampai pulo urang barangkek-berang bangih Angku Kapalo-kapado upeh Juaro Labiah-sanan bakato hanyo lai, "Mano dubalang Juaro Labiah-cari si Mansun kini juc-anak bincacak anak bincacau-anak si ngiang-ngiang rimbo-barani bana paja nantun-manyanggah sagalo parentah denai,”-katonyo Angku Kapalo-sirahlah muko kabangihan.
Alun jadi dubalang barangkek-handak mancari si bujang Mansun-tibolah inyo kutiko nantun-iyo di kantua Angku Kapalo. Baru tacogok si bujang Mansun-di muko pintu kantua nantun-mahariak Angku Kapalo-berang jo bangih bukan buatan.
"Mano ang si bujang Mansun-pakak turiak bana talingo ang-talingo surupo talingo kuali-pukua tujuah disuruah datang-tangah hari waang ka mari, Antah kok lai tatahan dek ang-den cubo saketek jo kaki den-waung nan baru jolong gadang-kok baranti baiko jadi urung."-katonyo Angku Kapalo-sisunguiknyo manggarik-garik-karano berang ka si Mansun. Mandanga kato nan bak kian-sanan manjawek si bujang Mansun-bakato jo hati hibo-mambanakan untuang parasaian, "Ampunlah hambo Angku Kapalo-hambo nangko urang musikin-di ma ka dapok bareh ka baka-lah payah hambo mausahokan-kadibali pitih tak ado-disalang ka urang indak nan dapek-itu sababnyo hambo talambek-talambek datang kamari nangko, Hambo mamintak sungguh-sungguah-kok leh hibo angku di hambo-ka rodi nantun kok dapek makan-hambo barangkek kini juo."
Lorong kapade Angku Kapalo-mandanga kato si bujang Mansun-ban bakato bahibo-hiho-usahkan sayang batambah bangih nato sirah sunguik d.pilin bakato sarato jo hariaknyo, "Lain bana tibo di ang paja ketek indak sumanggah-apo bana kini pangkek ang mangko ka lain pado urang. Kini waang jan banyak crongan-kecek nan usah bapantingan-pado den bunuah waang di siko-elok den kirin sajo ka gaduang-iyo ka kantua Angku Jaksa-inluk tarago batimbang parokaro ang-hukuman putuih tigo buhan masuak tansi bangkai buruak ang-itu nampaknyo katuju diung."
Alang sakikuyo hati si Mansun-mandanga kato Angku Ka-
152
