indak ado barado-ado-maso tampuo basarang randala.
Ado sabanta sakutiko-mandaham ketek Angku Kapalo-sudah mandaham inyo bakato, "Mano rang mudo kato hanbo-ado sabuah nan takana-taraso-raso dalam hati-takilan-kilan di mato-eloklah bana disabuikkan. Adapun nan akan hambo kata-ngalıkan pihak kapado adiak rang mudo-nan banamo si Upiak Boneh-hambo liek hambo pandangi-dicaliak rupo iyo lah gadang-lah patuik inyo bajunjungan-supayo inyo nak bakawan, Sabab baalah dek baitu-hamba nan hibo mancaliakkan-hiduik sarupo nan marasai-sajak paningga mandeh kanduang-sarato dengan bapak kanduang. Dek rang mudo pun baitu pulo-karano rang mudo kakak kanduang nyo-nak lapeh baban ciek-ciek-nak sanang pulo hati rang nudo," katonyo Angku Kapalo-bakato bamanih-manihkan-supayo tapaham dek si Mansun.
Mandanga kato damikian-tasirok darah si Mansun-kilek camin alah ka muko-kilek baliyuang lah ka kaki-bakato-kato di dalam hati, "Ikolah urang nan cilako-lah putiah uban di kapalo-pintu kubua nan alah dakek-pangana nak babini gadih juo. Urang. gaek taruang asam-indaknyo malu ka dirinyo-awak lah gaek salero tajam-bapantang mancaliak nan mudo-mudo, Iko contohnyo gaek badan-laku parangai mamaik pulo-udang tak tahu di bungkuakayo-pado diambiak ka sumando-ka laki si Upiak Bonch bialah inyo marando tagang-indak balaki salamonyo"-kato si Mansun dalam hati-namun kalua lain kalonyo, "Manolah Angku Kapalo-jokok salorong tantangan nantun-paretongan sumando-mányumando-baban barek jtu dek hambo-kami nan lai baniniak bamamak-sarato dangan bako-bako-indak dapek di hambo surang-maalun Angku tantang itu,"--katonyo si bujang Mansun-bakato dielok-elokkan bana-hati di dalam maharumch.
Mandanga jawek kato si Mansun-bangkik butansang Angku Kapalo-nyato panciangan tak manganai-sanan bakato banyo lai, "Kalau baitu kato waang-bakami-kami waang mangecek-indak patuik waang baitu-indak ang caliak sie wak den-aden nan rajo di nagari ko-aden mahitam mamutiahkan-kok santano batampuak nagarinangko—buliah den jenjeng den ampehkan. Kini baitu malah di ang-den bari pitih bara ka sadang-untuak paadokan nan tidak
157
