nan dibawoknyo-samba randang jo goreng ayam-disuruah dek mandeh maantakan. Bukan kapalang malu si Mansun-antah gadang hati manarimo-indak disangko ka bak nangko tapuak babaleh dangan tampa-bakato sanan si Dalipah, "Manolah Udo kato hambo-iko samba ado saketek-makanlah uda usah babaso- amai manyuruah maantakan."-katonyo gadih Dalipah.
Manjawab si bujang Mansun, "Samba hambo kan lai pulo bawolah kian babaliak-usah bapayah-payah bana," katonyo si Mansun malu-malu. Dek panek tangka balangka-raso ka ibo hati si Dalipah-ditarimo juo samba nantu-samba talatak di rantang ketek-segeh maenah nampak di mato.
Kan iyo si bujang Mansun baru lah sudah inyo makan dikamehi pinggan dibarasialıkan-dibaliakkan rantang amai Nuriah-sambia mamintak tarimo kasi tarima kasi man banyak- banyak,
Sadang mambalakkan rantang nantun batanyo mandeh Nuriah, "Mano rang mudo kale hambo bukan hambo salah siasck-sia koh gwan gala rong mudo-dari mano kampuang rang mudo-handak ka mano garam ka pai," katonyo mandeh Nuriah nak tahu bana jo si Mansun karuno elok parangainyo.
Mandanga kalo nan bak kian-manjawab malah si bujang Mansun, "Kalau itu nan Amai tanyokan hambo man balum mamakai gala-namo hambo iyo si Mansun anak rang kampuang Dalimo-di ranala Agam Bukittinggi mukasuik hati nak marantau-mancarikan paruik tak barisi mancarikan pungguang tak basawok-mandeh jo bapak lah maningga adiak musikin ditinggakan—baitu jinih parasajan," katonyo si bujang Mansun bakato agak tahibo-sabab baalah dek baitu tah iko gadangnyo badan-sakali ko baru rang batanyo batanyo tantang parampuan.
Bakato pulo mandeh Nuriah, "Kalau baitu kato Anak-samo rang Agam malah kito kami nangko rang Matua hilia nak pai ka bapak si Dalipah-nan bakarajo di Batawi jadi opseter di BOW-nan tingga di Matraman Master Cornelis jaonyo urang," katanyo Mandeh Nuriah manarangkan asa usuanyo sarato mukasuik ka Batawi.
167
