Manyabuik pulo si bujang Mansun, "Kalau baitu kato Amai-ruponyo amai rang parantau-balain bana pado hambo-alun panah maninggakan kampuang-marantau jauah nan indak bana-naiak kapa baru sakali nangko. Kok tibo hambo di Batawi-antah ka mano ka mandapck-untuak sahari duo hari-Allahu Rabbi nan ka tahu-hiduik sarupo sabuik hanyuik-antah di mano ka tasadainyo,"-katonyo pulo si Mansun--Juruih tabuang tak bakelok-nan bana sajo dikatokan.
Mambaleh pulo mandeh Nuriah, "Jokok salorong tantang itu-sago lai anak cameh bana-turuikkan kami kalau leh namuah-lah sipaik bana di urang awak-kalau inyo pai marantau-sapakan sajo hilang aka lapeh sapakan inyo lah cadiak-baitu malah nan biaso,"-katonyo mandeh si Dalipah-Dalipah nan antok-antok sajo-saroman urang acuah tak acuah-awek tadanga di talingo-di dalam hati disimakkan juo.
Mandanga kato mandeh si Dalipah-sajuak rasonyo paratian-si Mansun mamintak diri-babaliak ka tampok duduaknyo. Tabantang jalan dek si Mansun-taruang kini agak-agak-dapek sajo kawan şairiang-kawan sairiang ateh kapa-lah ado sajo ba ranggaek-bakeh babiri di palayaran.
- Anak balam di sarang tingga
- induaknyo pai cari makanan
- Jalan kalam disigikan dama
- di sinan salamaik palangkahan
- Didulang sadulang lai
- pandulang ameh di tambika
- Diulang saulang lai
- panjapuik kaba nan tingga
- Nak pupuik ambisk batangpadi
- pupuik diambuih anak gubalo
168
