tumbuah di rumpun batiah-batiah
Malang cilako Angku Kapalo
duo tigo batang manindiah
Tabantang jalan ka pincuran
tantang bukik jalan ka rimbo
Tak ado malang samalang badan
dalam sakik sangsaro tibo
Hilang aka mabuak pikiran-alah tuo mangko marasai–surang tak ado rang nan santun-sampai ka bininyo nan mudo. Indak lamo sudah kajadian-mamintak carai bini mudo-apo diarok balaki gack-badan tuo pitih lah abih-pangkaik nyo kini lah jatuah pulo-baranti jadi Angku Kapalo-indak dihingo urang kampuang-ka malu sajo balaki tuo. Pado balaki urang tuo-lah kunyua indak barono-ka jadi baban patang pagi-ba-pitih indak pulo di sakuih-elok carai marando tagang-malakik dapek ka pangganti-baitu pandapek bini mudo.
Lah jatuah gensi Angku Kapalo-baranti jadi kapalo nagari- untuang sajo tak masuak tansi-dek utang lai tabaia-dek ibo juo pamarentah Ulando-jaso lah banyak ka panjajah-lai sakadar baranti sajo. Urang kampuang banyak nan berang-taradok kapado Angku Kapalo-baranti inyo tawa nagari-rasonyo hilang nan cilako tabukak sagalo karajo buruak-doso lah banyak sapanuah badan-baitu pandapek urang nagari.
Tasabuik parangai Angku Kapalo-samaso inyo nan ma-marentah-kalau manampak bini urang-lai bakilek bapiroman--naiak ka rumah Angku Kapalo-digaduah malah bini urang- nan Jaki-laki lah takuik sudah-takuik ditakuak ka pai barodi-sampai dielo bini urang-mamanuahi kandak Angku Kapalo-babuek haram lakunyo busuak -ado bana urang manampak-takunci muluik mangatokan-laku sarupo anjiang gilo-ka ma pai ka ma manggigik. Sapanuah-panuah manggantang-malimbak kasudahannyo, sabanyak-banyak bahutang-babayia juo kasuda-hannyo-lah banyak bana doso baliau-angku Datuak Muntiko nantun-babayia juo kasudahannyo-jatuah bak tapai tagadayak-roman buruak batambah buruak-si sunguik panjang nan
170
