lah badua-alah ka bawah adok ujuangnyo-lah indak ado kalua amek-dari rumah padusi nan tuo. Lah bangkik takuik bajalan Surang -malampun indak turun-turan-takuik kok urang mam- balehkan kasam-atau sangajo manggalakkan-mamancíang-manciang mancari sabab-maintai taruah dang namonyo-kok untuang panciang leh manganai-dapeklah urang mambalehkan kasam.
Alek di Gurun naa rami bana
digatang bareh ka panyaram
Badan sapantun jo lantera
kurang minyak cayonyo puram
Lah lamo lambek nan bak kian-alah sabulan duo bulan..lah anam bulan ka lamonyo-kununlah Datuak Muntiko - Angku Kapalo nan baranti-adolah pado suatu kali-tibolah surek di kantua pos--sarato wisel pitih kiriman-tacangang boliau manari- mo-dari mano kolah garangan dibukak surek samo surang -- tacangang nan indak namuah abih-siapo sajo nan mangirim Dicaliak pangka surek nantun-dari Batawi urang mangirim.. dikana-kana di Batawi karik kabiah nan indak ado-dibae malah surek nantun-antaro lain didalam isinyo.
"Kapado nan tahormat Angku Kapalo-Angku Kapalo nagari Dalimo-nan bagala Datuak Muntiko-jo sambal. sajo dimuliakan
Ampun jo maaf hambo mintak mungkin di Angku alah lupo-tapi di hambo indak baitu-kini ko bana hambo kananakan-supayo di angku nak taingek.
Apolah garan nan ka hambo ingekkan-iyolali kajadian nantun-kiro-kiro anam bulan nan lapeh ukatu hambo Angku imbau-Angku imbau ka rumah Angku. tajadi cakak jo kalahi-dek niak angku tak mukabua.
Ukatu hambo ka bajalan-baju lah lusuah pitih tak ado--hambo pinjam pitih Angku saringgik aneh sarato pakaian sapatagak-hambo barangkek ka Batawi,
Dek untuang takadia Allah -Allah Ta ala bapatuhan kini ko dapek hambo kirimkan-pitih saharago, ringgik. ameh sarato harago pakaian sapatagak harap sungguah
171
