Angku tarimo-tarimo jo hari suci-sarato muko nan jara- niah-usah manjadi upek puji atau pun doso ka bakch hambo-usah manyangko nan tidak-tidak. Angku maalum hiduik di rantau-bialah hiduik sadarhano-asa leh indak tamakan nan haram-maaf kan sajo malah di Angku-anggap di Angku utang hambo-lah lansai kini hambo bayia-kito nan indak basangkuik pauik-utang piutang dunia akirat- baitu bana mintak hambo-dari si Mansun di rantau urang.' Sakian isi surek dibaco-surek nan datang dari si Mansun- baru sudah surek dibaco-kini lah baru inyo tahu-sabana luruih anak nantun--sarik lah urang ka saluruihnyo-dicaliak pulo isi wisel-bajumalah tigo ratuih limo puluah. Batambah mangaku Angku Kapalo-si Mansun anak babudi-pantang tamakan di nan haram-dibandiang-bandiang jo badan diri-jauah bana malah bedonyo-doso lah banyak kok tak barampun-doso lah panuah tiok alai bulu baiak taradok ka si Mansun-ditakuak inyo pai ka rodi-bukan inyo nan indak namuah-talaik dek ulah mancari baka -dipuruakkan urang masuak tansi-dituduah malawan ka pamarentah. Baitu pulo salanjuïknyo--alun tamo kalua dari tansi-dipaso pulo mamintak adiaknyo-gadih ketek si Upiak Boneh -handak diambiak dipabini-karano kandak tak balaku-dilantak-i baduo-duo-Allah Ta ala kayo sungguah-bukanlah inyo nan marasai-bukanlah inyo manangguangkan-badan sandiri nan tingkuik-tingkuik. Kini ko inyo lah barangkek-alah marantau ka Batawi-dek tapaso mambawo ringgik-ringgik ameh nan sabuah -sarato pakaian sapatagak-digantinyo juo-kasudahan nyo-ganti jo pitih kasadonyo-kalau dinilai haragonyo-antah balabiah dikirinkannyo. Iyo sabana clok paja nantun-tubo di-baleh dangan susu-sadang awak indak bapitih-sadang rang kampuang banci sadonyo-tibo pakirin dari urang dari urang nan diniayo-baa pulo indak ka manarimo-litak nan sadang nak nasi-awih nan sadang nak aja--batambah insaf Angku Kapalo,
Dek gadang hati Angku Kapalo- Angku Kapalo nan baranti- malonjak-lonjak kasukoan-dijapuik pitib bagageh-gageh-kan iyo ka Kantor Pos bajalan sarato anak bini-sambia mancaliak Bukik tinggi.
172
