Halaman:Kaba Minang.pdf/173

Kununlah Angku Kapalo—taraso mandapek durian runtuah— dibaco bana balapeh hati—lah lamo induk takaekan—dimakan apo nan taragak—sarato bini jo anaknyo. Anak dibawo baduo nan ketek—nan sadang kuek parakaro makan—masuak basamo ka lapau nasi—dimintak nasi jo samba—samba randang jo gulai gajeboh—dipalapeh anak batambuah—awek batambuah minun pulo—dek kurang kanyang malah paruik—dek kurang pueh malah hati—usah takana-kana juo—jo ampiang badadiah disudahi.

Di malah padi tak ka taranang
ayia nan datang dari rimbo
bapakok pulo di pamatang
di malah hati indak ka sanang
paruik litak nasi lah tibo
apo dicinto apo datang

Pai ka pasa Bukiktinggi—pulang baliak babendi-bendi—sajak pangkaik alah taluncua—sajak baranti kapalo nagari—iko baru mancaliak pasa—karano malu di urang banyak—tambahan pulo indak bapitih. Apo taragak didaguik sajo-apo takana dilupo-lupokan—pitih tak ado ka pambali—urang pun indak nan maagiah—taluncua pangkaik taluncua gensi—taluncua pulo kabek pinggang.

Takana doso nan banyak—bagai-bagai ajal nan tibo ajab di dunia nan ditangguangkan—ajab akhirat wallahualam umua panjang doso manimbun—urang mancaliak abih banci nan bak mancaliak anjiang di kurok—awak lalu urang malengah usahlah urang ka manyapo. Jokok ditiliak hukum adat-hukum apo ko lah nan tibo—buang siriah jo buang bilah—buang utang buang tingkarang—buang puluih paliang cilako indak ado nan ka dipiliah

Banyak pulo uraug nan baranti—baranti jadi Angku Kapalo bagala Inyiak Palo Gaek—tapi dek pandai mamarentah jokok mangati samo barek kalau maukua samo panjang hukum adia sapanjana maso—hambo raayaik dibimbiangnyo lai panyantun ke nan mikin—lai paibo ka nan bansaik—baranti bana mamarentah—urang nan banyak sayang juo—salaku urang nan lah tuo horomat urang batambah-tambah—ka pai bakeh batanyo—ka pulang tampek

173