mudo matah-dilawannyo surang samo surang-rang gilo baladiang nan dilawan itu ka gadang bangkai rang gilo-kuek basetan baibilih dapck juo kasudahannyo-urang gilo dilalahkannyo. Heranlah urang nan mancaliak-ta'ajublah urang nan maliyek-alimu apo nan dipakainyo-ureknyo kuwek saroman kawek-tulangnyo kareh sakareh waja-kalau tak lakeh inyo manolong-kok indak tapek kanainyo tangan-tangan rang gilo maso nantun-sudahlah gadang paja ketek-baranti inyo jadi urang.
Sadang rang banyak bagarutuang-bakumpua-kumpua mampakatokan mampakatokan si Mansun urang bagak-sadang si Mansun bakameh-kameh-handak babalak ka kadainyo-lah tibo sajo oto sabuah -kan iyo oto Regen Batawi--baranti tantang urang banyak. Baru baranti oto nantun-tabukak pintu turunlah urang-kironyo Tuan Regen Batawi-apak kanduang dek anak ketek-anak ketek nan camiah ditangkok rang gila.
Sato manampak apak kanduang-manangih anaknyo mangajai-muko nan sadang pucek juo-dipaguik kaki apak kanduang-manangih bahibo-hibo-camiah indak basuo lai. Kununlah Regen Batawi-lah sudah urang manunjukkan siapo garan nan manolong-manolong anak lapeh sangsar-manangkok urang gilo baladiang--lalu dituruik si bujang Mansun-dionyokkan tangan basalam-sambia mamintak tarimo kasi-tarimo kasi banyak-banyak-sanan bakato hanyo lai, "Mujua bana lai batolong-manangkokkan rang gilo nantun-kok indak lakeh inyo tatangkok-atau talambek saminik sajo-alamaik ka mati anak hambo,"-katonyo tuan Regen Batawi.
Mandanga kato nan bak kian--sanan monjawab si bujang. Mansun-manjawab sarato haromatnyo, "Manolah Tuan kuto hambo-itu nan caro kabatulan-hambo manampak anak ketek-.ampiang tatangkok dek rang gila-hambo manolong karano Allah-Allah Ta ala manggarakkan-mudah-mudahan fatolong anak Tuan,"--katonyo si bujang Mansun-bakato jo sopan santun.
Dek lamo lambek nan bak kian-kononlah di Tuan Kegen-ditanyokan namo si Mansun-apo karajo di mano tingga-dijawab sadonyo dek si Mansun--ditunjukkan kadaian jua tumbakau jo maaf izin dimintak-handak babaliak ka kadainyo.
177
