Sadang dek Tuan Regen Batawi-diresek sakuih mangalua- kan dompek-dompek kalua diambiak pitih-adolah garan sa- lapan halai-uang karateh limo puluhan-dībarikan ka bujang Mansun-tando alamaik putiah hati-putiah hati nan bakaadaan- mintak ditarimo jo hati suci-hati suci muko nan janiah.
Adapun akan si bujang Mansun-ditarimo pitih bajawek salam-sabalun barangkek Regen nantun-dijanjikan pulo hari barisuak-ado urang nan ka maantakan-iyo ka kadai si bujang Mansun-sapucuak surek Tuan Regen-surek pujian tando pang. hargaan di atch jaso si Mansun-manolong anak Tuan Regen, Kato sudah Regen bajalan-naiak sakali ka ateh oto-dibawok anak kanduang diri-indak dibaliak gadangnyo hati-anak nan ado salamaik sajo-lapel nan dari maro bahayo-tainda bala nan gadang-barakaik tolong si bujang Mansun.
Kan iyo si Bujang Mansun-pado hari nan barisuaknyo- ditarimo pulo surek sapucuak-surek pujian Regen Batawi- tando panghargaan atch jasonyo-manolong anak Regen nantun- diantakan urang pos ka kadainyo. Surek ditarimo jo hati suko-dilipek lalu disimpannyo-di satu maso antah paguno-baitu takana dek si Mansun.
Pado hari sahari nantun-tasabuik namo si bujang Mansun- taseba barito di suurek kaba-surek kaba Kota Batawi-ado ba- namo Bintang Tinnur-ado Sin Po ado Han Po-ado surek kaba Pamandangan-mancaritokan bagak si Mansun-dapek manangkok urang gilo-urang gilo nan lapeh dari Garogol-baitu barita di surek kaba.
Adapun si bujang Ma sun-mandapek pitih ampek ratuih- pambarian dari Regen Batawi-sanang hati sajuak pikiran-takana bana maso itu-duduak bapika-pikia surang-takana utang ka Angku Kapalo-barangnyo nan alah taambiak-iyo sabuah ringgik ameh-sarato pakaian sapatagak. Kunumlah ringgik ameh nantun-alah tajua maso di Padang-pitih diambiak pambali teket-sarato pambali nan paralu-nan paralu salamo palayaran-ttanuju ranah Batawi nangko-lah patuik bana kini dibayia. Niat nan alah sajak dahulu-tatakalo ringgik ka diambiak-sarato pakaian sapatagak-iyo karano dek tapaso-ka ongkoíh bajalan dari kampuang-
178
