utang iah babayja—indak basangkuik jo Angku Kapalo—ringan taraso panangguangan—baban nan barek lah tahinda—kok un- tuang mukabua pintak ka Allah—diampuni juo sagalo doso- doso nan alah tapabuek—baiak sangajo tak sangajo.
Dicabiak Kain ka deta
dibantuak Jalu dikanakkan
Mintsk tabjak kami bakaba
sadang talamak diantikan
VIII. DAPEK KARAJO JADI POLISI
Didulang juo didulang juo
sitaba tumbuah di tapi balai
Disambuang pulo kaba nan cako
supayo kaba jan tabangkalai
Dek maso bajalan juo—abih hari baganti pakan—abih pakan bagantt bulan—-abih bulan baganti tahun—alah satahun ka lamonyo—si Mansun tingga di Batawi, Alah sakian inyo mang- galeh—manggaleh timbakau rokok—dihetong-hetong pancarian— dibilang-bilang pitih dapek Allah Ta ala manggarakkan—pancarian baru ampek-ampek salapan--dapek-dapek dimakan sajo.Walau yo rajin bausaha-tiok hari manggaleh sajo—indak ado hari nan perai-hiduik bak cuado roda padati-roda padati lambek baputa-kini ko sadang di bawah juo.
Birawari si bujung Mansun—mangecek-ngecek jo kawannyo- kawan sanasib saparuntuangan-samo mudo sama manggaleh— samo-samo manggaleh timbakau—si Hasan urang Batu Sangka— mangaji untuang parasaian, Bakato si bujang Mansun, ‘“Manolah kawan kato hambo-lah iko jauahnyo kito marantau—lah iko lamonyo kito manggaleh-galeh timbakau kito galehkan—bintang nan alun leh ka tarang—nasib nan alun ka barubah--pancarian baru dapex dimakan sajo--batapo katengeang ka aka kito,” katonyo si bujang Mansun-inyo bakato ka kawannyo,
180
