Maningkah pulo si Bujang Mansun, "Kalau baitu kalo waang- asa pandirian leh tak ka barubah-niat dipasang leh ka diamakan-sapaham hambo tantang itu. Kok manggaleh timbakau lah kito cubo-indak nan tantu ujuang jo pangka-kok leh barubah malah nasib-dari nan baiak batambah baiak-kilo masuakkan malah lamaran-nan bak tanah patungkang balam-kok kanai balam dapek dek kito-kok indak ka baa juo-namun tanah ka tanah juo,"-katonyo si Bujang Mansun-mansasuai bana pandapek kawannyo.
Namun di hari sahari nantun-alah sudah bapadu padan- lah dapek kalo nan sapakat-bulek lah buliah digolongkan-picak lah buliah dilayangkan-samo dibuck malah surek--surek rekes surek lamaran-surek ditulih tulisan tangan-diusahokan bana tulisan rancak-dibuek alamat tarang-tarang-supayo jaleh urang mambaco.
Alah sudah surek dibuek-lah samo siap kaduonyo-surek di- bari baampolok-ditulih pulo alamaiknyo-polisi resor Mister Kornelis ateh pitunjuak dari si Hasan-nan lai tahu di pangumuman-pangumuman polisi mancari tanago-tanago baru nan diparalukan.
Alah sahari duo hari-lah tigo hari lah ampek hari-lah sampai hari tujuah hari-alah supakan kalamonyo-lah tibo panggilan bakeh si Mansun--sarato dangan kawannyo Hasan-manyuruah datang ka kantua Polisi-pado hari nan ditantukan.
Kan iyo bujang nan baduo-si Mansun sarato Hasan-lah sam- pai maso kutiko panggilan-basegeh kaduonyo bapakaian-pai manghadap ka Kantua Polisi-dek lamo lambek nan bak kian--sampailah garan kaduonyo-iyo ka Kantua Polisi nantum--banyaklah urang nan mamintak-malamar handak jadi polisi-sadonyo nampak mudo matah-hampia samo sajo umuanyo lalu di imbau surang-surang masuak ka kantua Komisaris.
Kononlah si Bujang Mansun-lah tibo geleran bakeh inyo- alah taimbau namo si Mansun-lalu inyo masuak mangadap-di- suruah daduak mangkonyo duduak-duduak di kursi mahadok meja-di mokonyo duduak Komisaris-sanan bamulai pamare- soan-ditanyo namo umua sikola-disuruah manyurek tulisan ta- ngan-di caliak bantuak dipandangi roman-dipatuik-patuik dek Komisaris-indaklah ado ka cacek salahnyo.
Kununlah Tuan Komisaris-dibaco surek parmohonan si
182
