Mansun-ditanyokan pulo surek nan lain-dibarikan strek dek si Mansun-surek pujian Tuan Regen-panah manangkok urang gilo-urang gilo lapch di Garogol--sanan bakato Komisaris, "Tasabuik di dalam surek nangko-awak manangkok urang gilo-batua koh itu kajadian,”-katonyo Tuan Komisaris-dianggakkan kapalo dek si Mansun-sumbia manjawab maiyokan.
Lah sudah si Mansun taimbau-lah dipareso dek Komisaris- tibo geleran si Hasan pulo-hampia saroman pamaresoan-lalu di-pareso pulo kasehatan-tanyato kaduonyo luluih pulo.
Disingkekkan sajo malah kaba-di antaro calon nan banyak nantun-calon polisi nan ditarimo-tamasuak si Mansun jo si Hasan-disuruah datang barisuak pagi-datang ka Kantua Polisi nantun.
Pado hari nan barisuaknyo-pagi-pagi pukua salapan-lah tibo kaduonyo di Kantua Polisi-alah ditarimo malah kaduonyo-muloi sato masuak latihan-iyo latihan jadi polisi.
Kan iyo si Bujang Mansun-duo jo kawannyo nan si Hasan- alah batuka baju sapatagak-babaju hitam buah salapan-buah bajunyo nan dari loyang-sarawa hitam basitiwal-sitiwal talilik di kakinyo-dari mato kaki sampai ka lutuik-basipatu bot bocawek gadang-cawek gadang dari kulik jangek-ampek jari nan ka laweh-nyo. Mamakai padang tasisik-tasisik di kida tantang pingua-tantang pinggang batabuang aia-bakupiah gadang lakan hitam di muko pakai mangkuta singo-di puncak runciangdari loyang. lah samo gagah kaduonya-sarupo mayor kapai parang-sakik panik manahan galak-samo tagalak kaduanyo.
Alah sapakan duo pakan-lah tigo pakan lah ampek pakan-- alah sabulan ka lamonyo-dipindahkan si Mansun bagian kan- tua-ateh partimbangan induak samang-pakaian batuka paslo si Hasan-babaju kulepak putiah-sarawa nan dari sulo Cino-sulo nan kuniang -kuniang aia-basisamping batiak Pakalongan-di- sampiang tampak indak jadi-kapalo badeta batiak-batuka tamipan dipandangi-sarupo pakaian baha Samiun-dalam bangsawan Nyai Dasima.
Adapun si Bujang Mansun-inyo diangkek jadi pambantu jadi pambantu resersiur-manjadi coro kato urang-bagian polisi
