mato-mato-kumandannyo banamo si Saerun-anak Bogor nan elok hati-bujang bapaham baalemu-sasuai bana dek si Mansun.
Bujang Mansun tahu di untuang-tahulah inyo dibodohnyo- kurang alemu amuah baraja-dimasuakinyo malah karusuh-karusuh baraja bahaso Ulando-sungguh-sungguah inyo baraja-rajin ma-nyimak jo mahapa-sia sungguah tantu mandapek-kuek batanyo mangko pandai-kuek baguru mangko tahu. Taraso bana dek si Mansun-kok bagak sajo dipanggakkan-kapalo kosong indak barisi-indak ditambah pangatahuan-alamat ka tingga dari urang-urang maju awaklah tingga-urang pandai awak lah binguang-bilolah nasib ka barubah. Dimasuaki pulo karusus masin tep-pandai mantep sapuluah jari-barakat rajin jo sungguahnyo-bahaso Ulando lah jarang-jarang kain-dek indak malu mancubokan-kuek baraja jo balatiah-balatiah salalu jo kumandan-kumandan Saerun urang Bogor-nama nan salah dibatuakan-sampailah inyo pandai juo-sangaiklah sayang kumandannyo-nan banamo Saerun nantun. Kalau ka dinas kaluaran-si Mansun baangkuik juo-sangaik sahati jo sapaham-sarupo urang bakatahuan lamo-namun si Mansun pun pandai pulo-mambawokan hati induak samang-biapun sayang induak samang-inyo nan tatap haromat juo. Kalau bajalan baduo-duo nan indak mamakai pakaian dinas-samolah tampan kaduonyo-samo-samo dimakan pakai-sudiklah urang manantu- kan-nama koh garan nan tinggi pangkat-dek samo ganteng kaduo-nyo.
Dek sangaik rajin si Bujang Mansun-rajin baraja jo mambaco-indak ado ukatu sanggang-dibaco buku jo surek kaba-buku detektif talabial bana-pangalaman urang nan lamo-lamo-baa manang-kok manyalidiak-baa caronyo rang manyamar-mancari jajak dalam aia-mambongka sagalo kajahatan-dipahamkan bana sungguah-sungguh sagalo alemu kapolisian.
Dek sartgaik rajin si Bujang Mansun-rajin nan iyo pangka pandai-banyaklah alemu nan lah dapek-alemu jiwa pun pandai pulo-alemu jiwa manusia-lahu digarak garik utang-paguno bana dek si Mansun-tamasuak alemu kapolisian. Kan iyo si Bujang Mansun-karano alemu batambah tambah- tambah sahari tambah maju-karajo pun banyak tasalasaikan-
184
