mangecek lah pasiah baso Ulando-baso Ulando garoseh peseh-naiaklah pangkek si Bujang Mansun-dari satingkek ka satingkek-sampai manjadi Mantari Polisi.
Sitaba daun sitaba
sitapuang dibalíak rumah
Lah panek pulo dek bakaba
baranti dulu lapchkan rangah
Hari Rabaa raminyo pakan
rami balainyo Bukiktinggi
Di siko kaba dihantikan
si Bujang Mansun jadi polisi
VIII. DIKACAK-KACAK NAN PUNYO
Batang capo di bukik pulai
pucuak digatu kalalaso
Šajak cako kaba tabangkalai
kini ko kito sambuang pulo
Birawari si Bujang Mansun-sajak inyo jadi polisi-inyo ma- nyewo rumah surang-paviliun urang sabalah-sabalah rumah Su- tan Salim-suami dek amai Nuriah-apak kanduang dek si Dalipah.Sajak karajo jadi polisi-jarang si Mansun batandang-tandang karano sibuak bakarajo-ditambah pulo jo baraja-abihlah maso dek manuntuik-mancari alemu kapandaian-masuak karusuh iko itu-mak samo pandai jo urang lain. Kalau inyo pai batandang-sakali-sakali sudah Mugarib-dijalang Angku Sutan Salim-sarato Amai Siti Nuriah-dicaritokan juo parasaian-awak baraja jo baguru karano alemu nan alun bara-sambía dimintak malah nasihat-kapado Angku Sutan Salim-salaku urang nan tuo-tuo umua tuo pangalaman-talabiah pangalanan jadi pagawai. Konanlah pulo Sutan Salim-urang johari bijaksano-amuah manunjuak maajai-taradok anak mudo-mudo-diagiah juo pamandangan-taradok ka-pado si Bujang Mansun-banyak nasihat dikatokan-panguekkan
185
