hati si Mansun-supayo inyo amuah baguru-baraja jadi urang pandai. Mancaliak kamauan rang mudo nantun-amuah mandanga sagalo nasihat-sarato pitunjuak jo pangaja-dari sahari ka sahari-inyo batambah maju juo-sananglah hati Sutan Salim-sarato jo bininyo si Nuriah-bakato-kato di dalam hati-sabana sungguah paja nangko. Budi baiak kalakuan baiak-tahu diuntuang parusaian-kuek baguru rajin baraja-dalam karajo batambah maju-pangkaik-nyo naiak tiok sabanta. Ditiliak pulo paragaulannyo-baiak jo urang atau jo awak-alun panah ado bacacek-katuju bana dek Sutan Salim-sarato bininyo si Nuriah.
Kini si Mansun alah bapangkat-namun haromatnyo bailu juo-kadang talinteh dek Sutan Salim-duo jo bininyo si Nuriah-handak manjapuik ka minantu-untuak suami anak kanduang-nan banamo si Dalipah. Ditiliak pulo si Dalipah-tamat sikolah jururawat-jururawat di Salenba-jokok disanjuang jo eloknyo-turuih bak sapu diantakkan-larai bak mansiang kumbuah. Basi-sondok manikam kaniang-kaniang nan bagai kiliran taji-bulu mato samuik buritiang-malo nan bagai bintang timua-kalilok palito padam-hiduang nan bagai dasun tungga-bibia nan bak asam sauleh-gigi nan bagai camin talayang-lidah nan bak ampalaın masak-galaknyo bagai dalimo rangkah. Lorong kapado talingonyo-talingo talipuak layua-pipinyo pauah dilayang-lihia nan bagai mundam dilariak-daguak nan bagai awan tagantuang-jari bak sugilandak gunjo-karek kuku bulan tigo hari-pinggang sacakak daun bungo. Pihak kapado batilinyo-batih nan bagai paruik padi-ampu kaki bungka satalia-tunik nan bagai talua buruang-tapak nan bagai kipeh Cino-pajalanan síganjua lalai-pado pai suruik nan labiah-ka kida lampan manganai-ka suok tampan mambu- nuah-samwik tapijak indak nati-alu tataruang patah tigo-talua tataruang indak pacah.
Diparatikan pulo dek bapak mandeh-kan iyo si Sutan Salim sarato bininyo Siti Nuriah-musiki lah lamo bakanalan--antaro Mansun jo Dulipali-hanyo sakadar tagua sapo-jokok batutua bakato-kato-salalu mamakai tatarik sopan-usah ka ado malampau taro-bakato jangga pun indak panah. Sunguahpun baitu bana-pandapek Sutan Salim jo bininyo-niat nan alun dinyatokan
186
