manunggu maso kutikonyo-maso elok kutiko bajak-maalun pi- kiran urang tuo.
Dek hatta takadia Allah-kok mujua nan sapanjang hari- kok malang nan sakarijok mato-mujua nan tak dapek diraiah- malang nan tak dapek ditulak-lorong kapado bujang Mansun- Allah Taala kayo sungguah-sadang tidua tangah malam-di ateh dipan di rumahnyo-taraso badan mandingin-manggigia badan ka-dinginan. Sakik kapalo bagai ka balah-indak dapek dibawok duduak-lunak sagalo pasandian-panyakik datang tibo-tibo. Pado malam samalam nantun-indak sapiciang juo mato takalok-maharang-barang bakapanjangan-lah sampai pulo pagi hari-lah pagi hari baitu juo. Panek sagalo paruwasan-rangkik-rangkik sagalo pasandian-badan hangek kapalo sakik-sakik bak raso ditokok jo batu-rakungan kariang raso tabaka-di sinan awih taraṣo pulo- indak ka mano mintak ayia.
Rumah gadang sambilan ruang
nan salanja kudo balari
Alang sakiknyo tingga surang
ubek siapo ka mambari
Tigo ringgik tangah salapan
sabulan tigo puluah hari
Awih taraso indak tatahan
ayia ka mano ka dicari
Si Asam nak rang Sungai Jariang
nak lalu ka pakan ambek
mambawok balam tigo gayo
Tibo jo sakik ngilu paniang
indak siapo nan ka maubek
tabarieng surang apo ka dayo
Dicubo duduak dikarehkan hati-malayo paruik kalua mutah-kalua mutah basah salimuik-dibawok tagak mancari-ayia- awak tagak paniang pun tibo-bakunang-kunang pancaliakan-jatuah tagolek ateh lantai-tak panah sakik saroman itu-mutah ma-luwak bakapanjangan,
187
