Birawari gadih si Dalipah-sadang mambarasiahkan paka- rangan rumah-sadang manyapu-nyapu laman-paningga bapak jo mandeh-nan lah barangkek ka Tangerang-pai baralek ka rumah famili-tingga Dalipah maunyi rumah. Mandanga ado urang mutah-sarato maharang harang-pandangaran dari rumah sabalah-nyato di sinan si Mansun tingga-tatagun tagak si Dalipah-ka dituruuik taraso malu-awak gadih si Mansun bujang-indak dituruuik taraso salah-kok iyo si Mansun sakik-siapo lai nan ka manolong-lah nyato inyo surang sajo.
Didanga juo sabanta lai-mutah nan kian manjadi-jadi-mutah sarato jo harangnyo-ibolah hati Siti Dalipah-anak rang gadih nan panyantun-kalahlah malu dek pahibo-pai juo inyo nan jadi. Kunun rang gadih si Dalipah-inyo nan pai baguluik-guluik-pai ka rumah tampek si Mansun-masuak sakali ka dalam rumah-dicaliak si Mansun lah tagolek-tagolek sajo ateh lantai-mutahnyo ba leak-leak-kanailah kain jo baju-kain salimuik pun kanai pulo. Kan iyo gadih Dalipah-anak nan indak panjajok-lapeh sikoła juru-rawat-indak buliah manaruah jajok-baitu latihan di sikola-di-ambiak malah kain kasua-sarato dangan kain salimuik-lalu diba-wok ka balakang. Untuak panuka aleh kasua-inyo balari ka rumahnyo-diambiak saperai aleh kasua-kainnyo putiah barasiah-baru kalua dari dobi--diganti aleh kain kasua-kain kasua dipan si Mansun nantun.
Pado maso duaso nantun-diambiak ayia dek si Dalipah- ayia patah saembe panuah-dibukak malah pakaian si Mansun- dibaruik badan jo aia matah-diseka jo kain handuak-diam biak pulo baju piama-baju pian.. dalam lamari-dilakekkan piama nantun-dipapah si Mansun ka ateh dipan-dikipak sakuek hati-indak leh malu kamiluan. Ditiduakan si Mansun ateh dipan-dicari kain dalam lamari-nan elok ka kain saok-disalimuti malah si Mansun-sambia tidua maharang juo.
Kununlah si Bujang Mansun-indaklah sampai hilang bana- inyo Jeli tahu nan bak kian-tapi suaro nan tak kalua-badan le-nyai indak manggarai-dirasoi badannyo dek si Dalipah-angek sangaik badan si Mansun-bagai mangaca baro api.
188
