Dijapuiknyo pulo dek si Dalipah-ayia angek dalam ta- romoih-dibawoknyo ka rumah si Manson-diambiak galeh nan barasiah-dituangkan ayia ka galeh-raso lah angek ngilu kuku-lalu diminunkan ka si Mansun. Ayia sagaleh nan lah abih-dimintaknyo juo sagaleh lai-lah duo galeh inyo minun-dimintaknyo juo sagaleh lai-lah tigo galeh si Mansun minun-kok namuah garan mampaturuikkan-raso ka abih ayia sacerek-baitu bana awih si Mansun-rakungan angek bak ka rangkah-handak salalu dibasahi
Lah sudah si Mansun dibari minun-alah dikamehi pulo tam- peknyo-takana pulo dek si Dalipah-handak maimbau Tuan Do- tor-lalu diangkek gagang talipon-ditalipon malah Tuan Dotor.Lah sudah manalipon Tuan Dotor-disambuangkan pulo Kantua Polisi-mangabakan si Mansua sakik-indak takao pai karajo mintak parmisi itu namon yo-ka bakeh induak samang nan di kantua.
Indak lamo doh antaronyo-tibo malah Tuan Dotor-dihanti- kan oto di halaman-lansuang sakali naiak ka rumah-dipareso ma-lah sakik si Mansun-langkok jo alaik pamaresonyo-lah sudah Mansun dipareso-lalu basuntik pulo ciek-basuntik nan tantang pinggua. Salasai pulo basuntik nantun-diagiah ubek tigo bungkuih-sabungkuih saroman tapuang-sabungkuih pel ketek-ketek-sabungkuih pulo pel nan kuniang-antah ubek apo garan namonyo-makJumlah dotor tantang itu.
Adapun baliau dotor nantun-alah salasai pulo karajonyo- dikatokan pulo aturan ubek-baalah caro mamakannyo-bara kali dalam sahari-barulah inyo mintak pulang-babaliak inyo ka tampeknyo.
Kan iyo gadih Dalipah-sapaningga dotor bajalan-dimakan. kan malah ubek si Mansun-Mansun nan patuah bak anak ketek-- diberi ubek dek mandehnyo. Lah sudah pulo mamakan ubek- disuruah tidua si Bujang Mansun-tidua mangalai ateh dipan-Dalipah nan pai ka rumahnyo-taruih ka dapua nyo batanak-manjarangkan nasi untuak si Mansun-kok untuang namuah inyo makan-amak barisi juo paruik.
Dek lamo Jambek nan bak kian-bareh tajarang sampai ma sak-masaklah bareh jadi nasi-disanduak taro angek-angek-disaŋ-
