duak ka dalam cambuang-cambuang salada putiah babungo. Di- ambiak samba dalam lamari-samba randang jo pangek ikan-di- masuakkan ka dalam sia-sia diatua dijenjengnyo-dijenjeng jo tangan kida-nan suok mamacik cambuang-Dalipah bajalan ha- nyo lai-iyo ka rumah bujang Mansun.
Kunun rang gadih si Dalipah-tibo di rumah bujang Mansun- dicaliak inyo indak lalok-lalu diduduakkan malah si Mansun- diagiah banta ka sandaran-disuoki malah si Bujang Mansun-bagai mandeh manyuoki anak-lai tamakan nasi nantun-iyo sasuok duo suok-cukujk katigo tak namuah lai. Lah siap baranti makan-dikamehi nasi jo samba-dikamehi baliak bak samulo-gadanglah hati si Dalipah-nasi ditanak leh bamakan-musiki sasuok duo suok-barisi juo malah paruik-kok untuang lakeh juo sanang. Di-suruah lalok baliak si Mansun-dipaeloki malah kalang bantanyo-dipaeloki pulo salimuiknyo-sadang si Mansun maunjua nantun-dipiciak kaki di lua saok-dipiciak-piciak sampai takalok-sampai takalok si Bujang Mansun.
Pihak kapado si Dalipah-dicaliak si Mansun alah takalok- babaliak pulang banyo lai-dikarajokan pulo karajo rumah--sakali-sakali diliyek juo. Kalau si Mansun sadang tasin tak-ditanyoi apo kahandaknyo-handak minun diambiakkan ayia-kok lah patuik ubek ditukeh-lalu dimakankan malah ubek.
Namun di hari sahari nantun-lah sampai palang pulo nyo hari-ampiang bajawek dangan sanjo-babalik mandeh jo bapak- kan iyo mandeh Siti Nuriah-sarato Bapak Sutan Salim-pulang nan dari Tangerang-tibo di rumah lah tu kini.
Birawari gadih Dalipah-ado sabunta antaronyo-bakato inyo ka mandehnyo. "Manolah Amai kato hambo-sapaningga Amai ka Tangerang-baduo jo bapak kanduang-hambo nan sadang di halaman-ladanga urang maharang-barang-kadang-kadang saroman mutal-iyo di rumah nan sabalah-iyo di rumah Udo Mantari. Mandanga urang maharang-larang-disalo mutah malowek-lowek- hambo dakeki rumah mantun-hambo cagam di baliak pintu-nam- pak di bambo Udo Mantari-inyo nan sadang sakik kareh. Karano Arai tak di rumah-bapak kanduang pun indak pulo-sialah urang nan ka manolong-hambo haranikan hati hambo-masuak ka rumah
190
