sabalah nantun. Karano cameh maliyek sakik-di hambo tak tantu ka dikakok-hambo talipon malah dotor-manyuruah datang mamareso-indak lamo antaronyo-dotor pun datang mamareso-basuntik malah Udo Mantari-lalu dibari malah ubek. Ubek sudah dibari dotor-baliau bajalan hanyo lai-hambo kamehi rumah nantun-hambo antakan ayia ka diminun-sarato nasi nan ka dimakan-kiniko inyo sadang lalok,”-katonyo gadih Dalipah-bacurito bakeh mandeh kanduangnyo-mandeh kanduang Siti Nuriah.
Mandanga kato man bak kian-indak tarugo bapanjang-panjang-dicaritokan puto malah ka laki-sagalo kecek anak nantua-samo takajuik kaduonyo-lalu bajalan hanyo lai-pai manantui si Bujang Mansun.
Didapati Mansun sadang lalok-dicaliak suok jo kida saperai lakambang saperai awak-kato Nuriah dalam hati-sabana elok anak kanduang-nan banamo si Dalipah-amuah manolong urang sakik―lai païbo di anak dagang. Ukatu lasintak si Bujang Mansur: alah ditanyoi dek Nuriah-sarato dangan suaminyo-alah dapek kato bajawab--bacurito sapatah duo patah-nampak sakali pangaruah ubek-lai baransua moh kironyo. Mamintak tolong si Bujang Mansun-manaliponkan ka kawannyo-kawan nan samo bakarajo-si Hasan nak rang Batu Sangka. Kan iyo sapatang nantun-patang bajawek dangan sanjo-sanjo bajawek dangan malam-lah malam pulo malah bari-datang si Hasan kawan si Mansun--datang tacameh indak tahu-bahaso si Mansun dalam sakik-bamukasuik inyo nak mambawok-mambawok si Mansun ka rumah sakik-lapi si Mansun nan tak namuah-sanang juo tīdua di rumah-daripado lalok di rumah sakik-baitu kato si Mansun.
Adapun akan si Hasan-karano kawan indak nyo namuah -handak dibawok ka rumah sakir-lalu dihunyikan malam nantun- bamalam inyo nan jadi-iyo di rumah si Mansun nantun. Manjalang laruik malam hari-lai bakawan duduak-duduak-iyo jo Angku Sutan Salim-malakik mato takantuak-barulah pulang Sutan Salim-inyo nan pulang ka sabalah.
Pado hari nan barisuaknyo-sasudah minun pagi hari-ayia dianta dek Nuriah-parmisi Hasan ka Nuriah-inyo kan pai ka karajo. Konon di tampek bakarajo-dibari tahu nialah kawan-ka-
191
