wan-kawan-kawan samo polisi-baraso si Mansun dalam sakik-banyak lah kawan nan maliyek-pado hari sahari nantun-manjanguak si Mansun sakik-ado manjanguak dangan mato-ado mambawok pambawoan-baitu adaik basamo gadang.
Birawari gadih Dalipah-kutiko hari nan katigo-hari katigo si Mansun sakik-inya disuruah dek mandehnyo-mahantakan nasi ka sabalah-langkok jo samba jo gulainyo-untuang taraguak dek si Mansun-makan saketek barang sado. Mangko disuruah si Dalipah-karano mandeh handak pai-ado dituruik ado paralu-disuruah suaminyo Sutan Salim.
Kunun rang gadih si Dalipah-mandanga suruah mandeh kanduang-lui tasu ruah di nan ka pai-lai taimbau di rang ka datang-diantakan nasi jo samba-baguluik-guluik maantakan.
Lah tibo di rumah si Mansun-dicaliak inyo sadang lalok-lalok nan sadang lamak bana-kadang-kadang inyo tasanyun-kadang-kadang inyo tagalak-galak tasanyun taru lalok-heran Dali-pah mamandangi.
Lorong kapado rang nan lalok-bujang Mansun nan sadang sakik-dalam lalok inyo bamimpi-taraso inyo pai hamain-bamain-main ka lapi pantai-duduak bajuntai ateh batu-di dalam sabuah pulau-di pulau nau banyak tumbuah bungo-sarupo di dalam kabun bungo. Adapun akan si Bujang Mansun-taraso duduak di ateh batu-di bawah batang bungo culan-bungo nan banyak lambai-malambai-lambai-malambai di tapi pantai-aia lawik nan sadang tanang-saketek indak nan baombak-bahambuih angin lunak lambuik sajuak rasonyo paratian-mamandangi bungo nan baanyak-baunnyo harun manyadapkan-antah baunyo bungo malati-antah baunyo bungo campako-bungo kananga atau nan lain-sulik rasonyo mampabedokan.
Sadang duduak basanang-sanang-sadang dimabuak barun bungo-tibolah ampek urang puti-puti nan datang antah di mano-antah nan turun dari kayangan-datang ka bumi pai mandi-roman nan elok kaampeknyo-rancak nan bukan alang kapalang-sariklah Sutan ka jodohnyo-ataupun rajo ka tandiangnya. Lah tibo puti nan harampek-balari-lari di tapi pantai-lari bapacik-pacikan tangan--sambia badendang balari juo-sambia balari badendang juo-
192
