sadang gumbira sukonyo hati-turun ka lawik baharullah-puti barampek taruih mandi-abuak tagerai ka ampeknyo.
Lah mandi puti sakira-kiro-puti barampek basuko hati- tibolah anso dari lawitan-anso nan gadang bukan kapalang-diracak urang ateh pungguangnyo-anso baranang sampai dakek-diraçak puti bapakaian amel-bakilau-kilau roman pakaian-kironyo lah dakek anso nantun-baranang manuju ka si Mansun-tagalak puti di pungguang anso-kironyo nan disangko puti nantun-iyolah gadih Dalipah-malompek turun di pungguang anso-datang mandakek ka si Mansun-diunjuakkan tangan ka si Mansun-tangan taonyok kaduonyo-sambia tagalak sanyun juo-Mansun manjawek kaduo tangan-Puti Dalipah maelokan-mambawok si Mansun ka pungguang anso-anso gadang bagai salodang-bulu bacampua bulu amch-adang-adang saroman perak-galaklah Mansun jo Dalipah-sukolah hati kaduonyo-banyanyi-nyanyi baden- dang sayang. Lah tibo di pungguang anso-anso baranang-ranang juo-puti barampek bakaja-kaja-kadang malambai-lambaikan tangan-heboh dek galak kasukoan-galak tahadok ka si Mansun sarato dangan si Dalipah-Mansun Dalipah pun galak pulo-sukonyo hati bukan kapalang-Allahu Rabbi nan ka tahu.
Sadang tagalak-galak nantun-tasintak Mansun dari mimpi-mimpi abih rasian hilang-hilanglah pulau taman bungo-hilanglah puti nan barampek-hilanglah pantai jo lawitan-hilanglah anso gadang nantun-lah tingga sajo si Dalipah-digosok mato jago lalok sabana iyo si Dalipah-nan sadang duduak manantikan-si Mansun tasintak lalok. Kan iyo si Bujang Munsun-awak mancaliak ka Dalipah-Dalipah mancaliak ka si Mansun-batamu pandang maso pantun-batamu pandang ampek mato-basabuang ombak di lawutan-mahampeh ombak di tapi pantai-mangguruah bunyinyo dado-dado rang bujang jo anak gadih-samo mangakah kaduonyo mangaluah sajo di dalam hati.
Panto nan indak tapantokan
manumbuak padi jo alu
Kato nan indak takatokan
di dalam hati Tuhan nan tahu
193
