Mandanga tingkah si Dalipah-Mansun nan indak tahan hati-sanan bakato hanyo lai, "Kok namuah Adiak mandangakan- bajanji indak manggalakkan-mimpi nan rancak janyo hambo-alun panah hambo bamimpi-nan sarancak sakali nantun. Rasonyo hambo sadang duduak-duduak surang di tapi pulau-pulau nan bagai pulau bungo-babagai-bagai bungo nan tumbuah-harun nan bukan alang-kapalang. Sadang duduak barangin-angin-angin malam-buih lunak lambuik-rasonyo tiho bidodari-datang babarih ampek urang-nan samo rancak ka am peknyo-banyanyi badendang-dendang-Allahu Rabbi sukonyo hati. Indak lamo sasudab nantun-datanglah pulo Tuan Putri-roman nan rancak bukan buatan-bapakaian sagalo ameh-duduak batenggek ateh anso-bulu anso ba-perak perak-datang mahampia bakeh hambo-dibawoknyo hambo ka ateh anso-kami balayia basamo-samo-kan iyo jo anso nantun...."
Alun abih curito si Mansun-sanan manyalo si Dalipah, "Bara ka gadang hati Udo-balayia baduo jo Tuan Putri-itu malah Udo tagalak-suko sangaik nampak di hambo-raso ka bingik hambo mandanga-bingik kapado puti nantun," katonyo gadih Dalipah-bakato sambia jo galak sanyun.
Bakato pulo malah si Mansun, "Sajak samulo hambo katokan-hambo nan usah digalakkan-mimpi hambo sabana rancak-sungguahpun rancak di hambo surang-tapi saketek cubolali takok-siapokoh garan puti nantun-kalau di Adiak lai tatakok-sujuik-lah hambo sapuluah jari-sabalch dangan kapalo hambo," kato-nyo si Bujang Mansun-manyaruah jawab tanyonyo nantun. Manyahuik Dalipah sambia golak-galak bagumam indak jadi, “Kalau itu Udo katokan-di ma pulo tantu di harubo-hanbo nan indak manampaknyo-hambo tak sato barasian-antah mambang antah-nyo pari-Udo malah nan ka tahu," katanyo gadih Dalipah.
Mambaleh pulo si Bujang Mansun, "Adapun akan puti mantun-iyolah tuan Puti Dalipah-puti magari antah barantah-kalau lalok jadi rasian-kok jago jadi angan-angan," katonyo rang bujang Mansun-sambia mancaliak ka Dalipah-batamu pandang maso nantun-Dalipah manjawab hanyo lai. "Kok hanyo mimpi Udo nantun-rasian pamenan lalok-kacimpuang pamenan mandi-sa-
195
