rançak-rancak mimpi awak-tasintak tidua ka hilang juo," katonyo gadih Dalipah-namun galak bagumam juo.
Bakato pulo malah si Mansun, "Di Adiak mimpi nan biaso -di hambo mimpi jadi ubek-sabab baalah dek baitu-iyo bak bunyi pantun urang.
"Di Muaro talatak Gunuang Padang
bakeh balabuah kapa ka Pagai
Hambo lah nyato ibarat loyang
adiak lah sungguah bak ameh urai
Dari Singkarak rang ka Solok
manompang naiak kureta api
Hambo bakandak rang nan elok
antah di adiak tak ambiak asi.
Katonyo si Bujang Mansun-bakato bagai bahibo-hibo-rusuah Dalipah mandangakan-sambia manjawab hanyo lsi,
"Urang manumbuak bareh ampiang
manumbuak baduo-duo
alu kamuniang baru sudah
Usah mamakuak jo pungguang ladiang
pakuak dek Udo jo matonyo
mak tantu badarah-darah
Den basuah kain den gosok
den sabun jo sabun mandi
barasiah baru di balau
Kok namuah Udo mambawok
ka ujuang buni namuah den pai
usahlah Udo bahati ragu.
Mandanga kato si Dalipah-manjawab pulo bujang Mansun, "Kalau baitu kato Adiak-guno tak joa ka dibalch-kok hanyuik hambo lah Adiak sahai-kok sakik hambo lah Adiak giloi-Allahu Rabbi nan ka tahu,"katonyo si Bujang Mansun.
Lah lamo lambek nan bak kian-rang mudo bujang jo gadih
96
