-bakato bapadu padan-kununlah gadih Dalipah-parmisi pulang hanyo lai-takuik Dalipah ka kadahuluan-dari mandeh tibo di rumah-pai dilapeh dek si Mansun-Mansun mangelai ateh dipan- dihelokan kain salimuik-tidua bagatuang hanyo lai.
Sicerek tumbuah tapi banda
banda nan kariang dari hulu
Lah panek pulo kito bakaba
istirahat pulo dahulu
IX. KINILAH BARU KASAMPAIAN
Suligi batiak batimba
indak ujuang pangka manganai
Sudah baranti kito sabanta
disambuang kaba nan tabangkalai
Birawari si Bujang Mansun-Mantari Polisi di Batawi-lah sa- kian lamonyo sakik-Allah Taala manggarakkan-dari sakik inyo lah sanang-karajo baliak bagai samulo. Sajak sasudah sakik nantun-Mansun pandatang ka sabafalt-antah kok indak pulang karajo-ataupun malani sasudah sambahyang-lali pai inyo duduak-duduak kadang-kadang jo Angku Sutan Salin-surato dangan Amai Nuriah sakali-sakali jo si Dalipah.
Abih hari baganti hari-abih pakan baganti bulan-diparati- kan juo dek Sutan Salim-sarato bininyo si Nuriah-pibak kapado anak kanduang-ado paratian ka si Mansun-baitu pulo sabaliaknyo-si Mansun pun ado pulo minatnya. Ditimabang timbang pado umua-Dalipah lah patuik busuami-baitu pulo si Bujang Mansun-lah elok pulo barumah-tanggo,
Disingkekkan sajo malab kaba-dianhiak sakadar ka paguno-ado kapada suatu malam-kutiko si Mansun datang batandang-lah duduak sakiro-kiro-alah maota kian-kumari-lah lalok pulo si Dalipah-tingga batigo duduak-duduak-Sutan Salim samo bininyo-sarato pulo si Bujang Mansun.
Pado malam samalam nantun-diajukan malah paretongan-
197
