lamak lalunyo dek Sutan Salim-kanai ganduahnyo dek Nuriah- mamintak si Mansun ka minantu-akan suami gadih Dalipah-alah dikaji patuik jo mungkin-dikaji pulo hereng jo gendeng-adat nan caro Minangkabau-musikipun barado di rantau urang-dipakaikan juo caro kampuang.
Dalam maso parundingan nantun-antaro lain dikatokan-dek Sulan Salim Bapak Dalipah, "Cubolah agak dek Sulan-kok si Dalipah lah patuik basuami-anak pun lah patuik babini-kamipun alah tuo-tuo-indak lano lai maso pansiun-kok nyampang kami pulang ka kampuang-jo sia Dalipah ditinggakan-kok kami bawok inyo pulang-inyo nan biaso hiduik di rantau-basakik pulo manyasuaikan diri-itulah kami maharapkan-usah manulak handaknyo Sutan-kami tiljak kami pandangi-raso ka lai bapadan-katonyo si Sutan Salim-dibanakan pulo dek bininyo.
Lorong kapado bujang Mansun-mandanga kato nan bak kian -kato nan indak disangko-sangko-di malam kini ka kaluanyo- hagai dirawok kain basah-indak tantu nan ka dijawabkan-sungguah di hati Jah katuju-kok banyak pulo rukun saratnyo-ka malah badan ka batenggang-awak nan jauah di rantau urang.
Dek lamo Mansun tamanuang-ditakok saja di Sutan Salim- apo pangana dalam pikiran-dipinteh sajo dek Sutan Salim-sarato dangan Amai Nuriah-tantangan ongkoih parongkosan-asa leh Mansun maamuahkan-indak tarago baralek gadang-cukuiklah alek baketek-ketek-ketek sukadar nan paralu-apo nan ado dipadokan.
Dek lamo lambek parundingan-dapeklah kato nan sasuai- dapeklah rundiang nan saukua-picak lah buliah dilayangkan- balck lah buliah digolongkan-lah samo sasuai katigonyo. Janji nan indak lamo bana-limo baleh hari kalamonyo-tapek bana di bulan timbua-maklumlah urang makan gaji-indak tarago baralek gadang-dipanggia sajo karik baik-sado nan ado di Batawi-baitu putusan dipabuek. Rundlang putuih kato lah sudah-Mansun parinisi hanyo lai-pulanglah inyo ka rumahnyo-antah inyo bagadang hati-gadang hati mukasuik sampai-antah inyo barusuah hati-ka sia kalo dipaiyokan-hiduik nan surang di rantau urang-kok lai bana badunsanak-dunsanak bansaik jauah di kampuang.
198
