Dandang talatak ateh tungku
nasi ditanak balantikan
Pandang anak pandang minantu
lah samo rancak bapadanan
Sikua lelan sikua kulari
samo babintiak tantang ikuanyo
Surang bulan surang matohari
alah sajodoh kaduonyo
Dek lamo lambek nan bak kian-alah sabulan duo bulan- babilang bulan ganti jo tahun-alah satahun ka lamonyo-tibo parentah dari ateh-pihak kapado Sutan Salim-pindah karajo ka Bukiktinggi-sarato pangkat naiak satingkek-jadi opster kalas satu.Lah tiba maso nan ditantukan-sarato dangan Siti Nuriah-barangkek malah Sutan Salim-batangih-tangihan jo anaknyo-diantakan sampai ka Tanjuang Pariuak. Tingga Dalipah jo suami-alang kapalang ibonyo hati-awak nan indak panah bacarai-labiah-labiah jo mandeh kanduang-tagah baalah mangatokannyo.
Sajak barangkek mandeh kanduang-sarato dangan apak kan- duang-hakarajo di Bukiktinggi-Dalipah sarato suaminyo-pindah ka rumah nan sabalah-iyo ka bakeh rumah Sutan Salim-rumah gadang lah lapang pulo-bak basi baiak diringgiti.
Sajak lah pindah ka rumah nantun-sananglah hati si Dalipah -lah tingga di rumah gudang-hiduik baduo rukun damai-suami sangaik sayangnyo-kasiah nan bukan alang-kapalang, Allah Taala manggarakkan-lah hamil malah si Dalipah-banyak taragak di nan masam-aia lua lah janiah-janiah-sakali-sakali mutah pulo.Mancaliak barubah badan Dalipah-sananglah hati Sutan Mansur-bini manganduang lah bamulai-dibalikan sagalo kandak-dibawok pulo bajalan-jalan-kadang-kadang pai manonton. Kononlah gambar maso itu-gambar hiduik pilemnyo bisu-dibawok Dalipah pamancaliak-bamacam-macam pilem nan nampak-ado gumbira ado sadiehnyo. Kok tumbuah sadang gumbira-musik gumbira nan tadanga-kok tumbuah nampak pilem nan sadiah-bunyi musiknyo baibo-ibo. Tibo ukatu pasa malam-pasa malam nan di Gambir-Sutan Mansun lah pai pulo-pai mambawok si Dalipah-
200
