mancaliak pamainan bamacam-macam-ado katoprak kudo kepang -ado wayang wong jo wayang kulik-ado banamo wayang golek-curito Jawa dahulunyo-samaso urang nanyambah dewa. Dek pandai dalang mamainkan-asyiklah urang nan maliyck-samalam suntuak duduak basimpuah-andangakan nengnang talempong Jawa. Ado pulo parmainan Batawi-urang malawak lucu-lucu- reck Batawi garan namonyo-dek lucu mangocok paruik-panon- ton galak kasukoan. Ado pulo parmainan India-incek siti joget India-kumidi bangsawan nan indak tingga-kok tumibuah pasa malam nan bak kian-pueh Datipah pai mancaliak-sarato dangan suami-nyo.
Ditarah-tarah bilah mati
diambiak ka paga pakarangan
Sadang Dalipah basuko hati
di siko kaba dinantikan
X. ANAK LAHIA PANGKAIK PUN NAIAK
Sitaba tumbuah di gunuang
dibawok nak rang Koto Tuo
Lah patuik kaba kito sambuang
duduak pun alah sakiro-kiro
Birawari Siti Dalipah-dek lamo lambek nan bak kian-abih bulan baganti bulan-lah sambilan bulan kalamonyo-lah sampai malah umua kandungan-taraso badan panek-panek paruik di dalam manggarik-garik-anak di kanduang sangaik nyanyang-raso kalibo malahiakan. Pado maso di waso nantun-suami nan indak ado di rumah-sadang batugeh garan tu kini-badan batambah sakik-sakik-diimbau sajo malah daleman-disewo naiak ka Salemba-ka rumah sakik mukasuik hati. Dek lamo lambek di jalan-jauah basarang dakek juo-alah sabanta duo banta-lah tibo Dalipah di sanan-kan iyo di rumah sakik.
Lah tibo Dalipah di rumah sakik-disuruah sakali masuak ka dalam-masuak ka dalam ka sal duo-sato duduak pacah katuban
201
