-sugiro malah bidan manolong-manolong Dalipah dalam malahia-kan. Dek untuang takadia Allah-malahiakan nan indak pasakitan-salamaik sajo kaduonyo-Dalipali surato jo anaknya -lahialah anak laki-laki-anak nan gapuak rancak bana sananglah hati si Dalipah.
Dirandang batiah di kuali
kualinyo kuali kanso
Kaba baraliah banyo lai
sungguah haraliah di sinan juo
Aliah kapado Sutan Mansun-Sajak barangkek tadi malam- dilapeh Dalipah dari rumah-karano panggilan dari kantua-bunyi talipon mamintak datang-kurano ado pambunuhan. Mandanga panggilan nantun-togeh nan indak dapek mailak-konon barangkek Sutan Mansun-manuju Kantua Polisi-dibawok kawan ampek urang-manuju tampek pambunuhan.
Lab tibo di tampek pambunuhan-kan iyo di Mangga Besar -di tampek nan agak langang-ado sapasang laki-bini-urang Cino pulang cap gomeh-nan padusi mati tabunuah-barang amehnyo abih dirampok-nan laki-laki tangan bakabek-tangan dianduah ka balakang-muncuang basakang dangan kain.
Konon Mantari Sutan Mansun-dipareso malah kaadaan maik- dipareso pulo nart laki-laki-disuruh bukak tangan nan bakabek-disuruh bukak dek kawan-kawan-sampa muncuang dibukak pulo-dipareso tampat kajadian-kok ado nan dapek tando beti-ka bahan mancari parampok-disalidiaki bana jo hati-hati. Lah sudah maik dipareso-disuruah antakan ka rumah sakik-untuak diparso pulo di dolor-kalarangan dotor nan ka manantukan-kok nyampang sidang parkaro nantik-baakoh mati urang nangko-manuruik pandapek alimu dotor.
Kununlah pulo nan laki-laki-Cino baumua satangah bayo -labiah kurung ampek puluah limo tahun-salasai dibukak kabek tangannyo-surato dangan sampa muluiknyo-dibawok malah ka Kantua Polisi ateh parintah Mantari Mansur-dinaiakkan ka ateh oto-sarato dijagoi dek anak buah-basamo pulo jo Sutan Mansun.
Pado malam samalam nantun-dilakukan pamaresoan dek Su-
202
