turun mandi anak-diimbau sagalo urang Padang-sarato kawan jo kanalan-kanduri bamusik-musik-basuko hati nan mudo-mudo- dibantai bana kambiang sikua-undangan banyak badatangan. Nampaklah kawan samo polisi-sarato dangan urang awak-kawan nan lain pun banyak pulo-alek dipanggia badatangan-alek mambawok buah tangan-sananglah hati Sutan Mansur-sarato dangan si Dalipah-mamuji syukur pado Allah-doa salamaik salamonyo.
Tapek pulo di maso nantun-kalua bisuluik dari kantua-pang- kaik najak manjadi ajuang-ajuang jaksa di kantua jaksa-di Batawi-ka sinan pindah Sutan Mansur.
Indak lamo pulo antaronyo-tibolah mandeh dari kampuang -Siti Nuriah sarato suaminyo-datang manjalang maliyek cucu-indak tabado sanang hati-cucu dipuluak dipangkunyo-baganti-ganti mamaluaknyo-antaro niniak dangan tuonyo-baitu bana ka-gadangan hati. Lapeh taragak sajak bapisah-taragak di anak jo minantu-dimintak cuti dek Sutan Salim-manjalang anak jo minantu-ditambah cucu nan baru lahia.
Kan iyo Siti Dalipah-gadanglah hati indak tabado-lah lahia anak kanduang diri-ubek jariah palaroi damam-buah hati pa-ngarang jantuang-pangkaik suami pun naiak pulo-ulah baralek bakanduri-kanduri turun mandi anak-kiniko mandeh lah tibo pulo-sarato dangan apak kanduang-bukumpua sadonyo di Batawi. Lah abih cuti Sutan Satin-pulang babaliak ka Bukiktinggi sarato dangan Siti Nuriah-di juntakannyo dek Sutan Mansur sampai ka palabuhan Tanjuang Pariuak-lah barangkek kapa ka Padang-mambawok Sutan Salim jo bininyo-baru babaliak Sutan Mansur-babaliak pulang ka rumahnyo.
Adapun akan Sutan Mansur-sajak lah lahia anak kanduang- anak kanduang banamo Rasid-dicari pambantu untuak di rumah -nan ka manolong Siti Dalipah-dapek pambuntu gadih tangguang-gadih banamu si Samiyah. Kononlah babu gadih Samiyah-anak rang Jawa dari Serang-gadilt nan rajin bakarajo-capek kaki ringan tangan-alun disuruah nyo lah pai-alun dibimbau nyu lah datang sangaik haromat ka induak samang-sayanglah Ajuang Jaksa Mansur-sarato bininyo si Dalipah.
