Badia sitengga badia lamo
bunyinyo gaga bagaga
Diantikan kaba samantaro
balapeh panek agak sabanta
XI. TARAGAK PULANG KA KAMPUANG
Supir oto anak rang Magek
nan tingga di Bukiktinggi
Lah sudah kito balapeh panek
kaba disambuang hanyo lai
Hari patang barembang sanjo-hari rancak paneh ka abih- pada patang sapatang nantum-Sutan Mansur duduak di barando- sadang mambaco-baco majalah-majalah Liberty bahaso Inggirih-sadang mambaco-baco nanlun-pangana nan jauah-jauah ampiang-jauahnyo sampai ka kampuang-kampuang Dalimo di Bukiktinggi.Pado maso di maso itu-takana malah adiak kanduang-adiak kanduang balahan diri-raso tabayang si Upiak Boneh-adiak kanduang Sibiran tulang-nan sadang bansaik ditinggakan-tingga jo etek dunsanak mandel-antah batapo garan kini.
Kununlah padi salibu
sapinggan malah nasinyo
Kununlah dunsanak ibu
baanggan-anggan di hatinyo
Lah lamo adiak ditinggakan-lah labiah garan limo tahun- antah lai juo antah indak-antah dipaso Angku Kapala-Angku Kapalo Datuak Muntiko-dipaso kawin jo inyo-gack saroman taruang asam awak gaek salero tajam. Takana parangai Datuak Muntiko-indak bapikja badanlah gaek-indak tahu di tuo awak-pintu kubua man lah mananti. Kini takana nasib adiak-adiak kanduang raso tabayang-karajo barek nan tiok hari-disuruali suruali mambantu etek-taragak hati Sutan Mansur-handuk pulang ka kampuang balainan-sambia mancaliak adiak kanduang-nan banamo si Upiak Bonch. Tambahan pula surek mintuo-mangatokan Sutan
206
