Salim alah pansiun-kini manatap di kampuangnyo-iyo di kampuang Matua Hilia.
Karatau tumbuah di banda
dirambah jo mato pisau
Oi rang rantau pulanglah baa
dangakan malah Minang maimbau
Kok tarang bana suluah di panggang
indak satarang tarang bulan
Kok sanang bana di rantau urang
kampuang nan usah dilupokan
Ikolah garan suaro hati-ikolah garan suaro kampuang- ikolah garan suaro adiak-imbau nan mintak disauti-sadang duduak badanlah rasah-sadang lalok mato tabukak-Minang maimbau jo ratoknyo.
Birawari si Sutan Mansur-lalok nan indak talalokkan-duduak tagak tatagun-tagun-heran Dalipah mamandangi-ditanyokan sabab karanonyo. Tanyo bajawab dangan kato-dibanakan malah pokok Padang-hati taragak pulang ka kampuang-dibawok mupakat hanyo nan jadi-kan iyo bininyo Siti Dalipah, Sadanglah pulo dek si Dalipah-mukasuik laki sasuai pulo-tasuruah di urang ka pai-tabawok turun di urang bagak.
Disingkkekkan sajo malah kaba-kan iyo Ajuang Jaksa Mansur -dimintak cuti ka induak samang-cuti nan dapek sabulan lamo-nyo-dapek parolof maso itu-karano sajak mulai karajo-alun panah maambiak cuti-sanan bakato ka bininyo, "Mano diak kanduang Siti Dalipah-kok Jai Tuhan mangizinkan-hari Sinayan mukasuik pulang pulang ka Padang ka ranab Minang-bucklah samba pamakan nasi-pamakan nasi ateh kapa-balilah pulo buah tangan-untuak dunsanak nan di kampuang," katonyo si Sutan Mansur-bakato sambia mambari pitih.
Mandanga kato suaminyo-sajuaklah raso paratian-sanang rasonyo kiro-kiro-lah raso tampak Gumuang Marapi-sarato pulo Gunuang Singgalang-langkok jo ranah kampuang halaman-baitu pulo bapak jo mandeh-taragak bak raso leh ka baubek. Diambiak
207
