pakaian dikanakkan-dijambo salendang di sangkutan-bajalan Dalipah adok ka pasa-babu mairiang di balakang. Dibali ayam jo bantai-langkok sagalo nan paralu-Dalipah pandai mambali-bali-raso tak ado bakatinggalan-salasai mambali-bali-babaliak pulang hanyo lai.
Lorong kapado Jaksa Mansur-dapeklah teket perai kapa- perai kapa nan pulang baliak-dari Tanjuang Pariuak ka Taluak Bayua. Karano awak urang pagawai-amtenar dari gubernemen-jaso lah banyak ka pamarentah-pagawai rajin bakarajo.
Pado maso nan lah ditantukan-barangkek malah Sutan Mansur sarato bininyo si Dalipah-tigo jo Rasid anak kanduang-ampek Samiyah babu nan rajin. Pihak kapado babu nantun-indak di baliak gadangnyo hati-balayia samo jo induak samang-barulah iko naiak kapa-tacaliak pulo nagari urang-sajak ketek sampailah gadang-alun panah baranjak dari Batawi.
Allah Taula bapambari-pintak nan sadang ka balaku-doa nan sadong ka mukabua-kunun palayaran Sutan Mansur-sarato bini jo anaknyo-baitu pulo babu Samiyah-sajak malangkah dari Timah-sampai katua di Taluak Bayua-indak ado maro malintang-ado salamaik pajalanan-manompang jo kapa gadang-kapa gadang nan rancak pulo.
Baru lah sampai di Taluak Bayna-baru lah turun dari kapa-barulah tampak sitasiun-bagageh naiak aleh kureta-kureta api di Taluak Bayua-handak barangkek ka Bukiktinggi-indak tarago singgal di Padang. Adapun hari sapagi nantun-hari nan baru pukua salapan-babunyi piluik kureta api-kureta barangkek hanyo lai. Dek lamo lambek di jalan-tiok tasiun tiok baranti-tiok sitoplat baitu pulo-jauah basarang dakek juo-kiro-kiro sadang tangah hari-sampailah garan di Bukiktinggi.
Kununlah di maso nantun-turun Sutan Mansur dari ku- reta-duo jo bini Siti Dalipah-tigo jo anak banamo Rasid-ampek Samiyah gadih pambantu-dicari bendi tambang ka Matua-bendi lepek naiak basamo-kudo dilacuik dek kusianyo. Diseo bendi duo buah-nan ciek lai ka tampek barang-mairiangkan bendi lampangan-duo buah bendi bairiang-iriang-lari kudo kadang manduo-kadang-kadang mendarap ketek-diiriangkan labuah nan
208
