Kan iyo si Sutan Mansur―lah dapek ijin dari amainyo—sarato dangan Sutan Salim―baitu pulo si Dalipah―sasudah mamakai lagak kampuang―babaju ganiah guntiang Cino—basarawa batiak ragi haluih—bakupiah biludu hitam—tarompah basilang nan dikanakkan—bakain bugih disandang ka bahu―turunlah inyo ka halaman—taruih sakali ka pasa Matua—dicari bendi ka Bukiktinggi bendi dan banyak maso nantun—maalun pakan di Bukiktinggi.
Kononlah urang ateh bendi―banyaklah ota kian kumari―ado curito panghidupan―ado curito pargarakan―kagiatan urang dalam kampuang―mamasuki partai parkumpulan—usaho rakyat nan tajajah—kok buliah pintak jo pinto―manuntuik mardeka basamo-samo.
Mandanga curito ateh bendi―tamanuang sanan Sutan Mansur―baitu bana di kampuang nangko―raso tajajah sangaik taraso―sampai-sampai rakyat badarai―basumangek manuntuik kamardekaan. Urang tak tahu sia Sutan Mansur―Ajung Jaksa di Batawi―tapi sungguhpun baitu bana―karano inyp marasokan pulo―baa tatakan dek panjajah―walaupun invo lah bapangkek—namun asanyo dikana juo.
Dek lamo lambek di ateh bendi―manuju pasa Bukiktinggi―jauah basarang dakek juo—lah nampak garan pasa nantun—Bukiktinggi banamo gaduang―karano banyak gaduang di sanan― gaduang-gaduang jo kantua-kantua― itu sababnyo banamo “gaduang”.
Lah tibo garan di Bukiktinggi―bajalan-jalan si Sutan Mansur―tampaklah mamak kusie bendi―mak Pono urang kampuang Dalimo―lalu disapo dek Sutan Mansur―sapo bajawek dangan sapo―gadanglah hati mamak Pono―diajak si Sutan naiak ka bendi―sanan bakato mamak Pono,” Pabilo saja waang pulang―waang di Jawa janyo urang―laikoh sihat-sihat sajo—lah gagah nampaknyo waang kini,"―katonye mamak kusia bendi―Mak Pono urang kampuang Dalimo―sakampuang jo Sutan Mansur.
Mandanga kato nan bak kian―galak tasanyun Sutan Mansur―sambia galak manjawab kato,” Mano Mak Pano kato hambo―batualah hambo dari Batawi―baru katibo dangan kapa―
211
