jo malam―pambali bareh atau pun samba―baitu nasib parasaian―dalam curito si Upiak Boneh.
Mandanga curito si Upiak Boneh―batambah tadayuah paratian―paratian si Sutan Mansur―kadang manyasa dalam hati―salaruik salamo nangko―indak mangana adiak kanduang―hiduik malaraik ditinggakan.
Dek lamo lambek nan bak kian―lah cukuik pulo sakiro-kiro―lalu dikanakan ka si Upiak―handak ka pai ka pasa rami―iyo ka gaduung ka Bukiktinggi.
Lorong kapado si Upiak Boneh―mandanga ka pai ka Bukiktinggi―gadanglah hati indak tabado―dilapiah abuak elok-elok—pai sabanta ka sabulah―ka rumah kawan samo gadang―manyalang baju ka si Mala―ka dipakai ka Bukiktingi. Konon si Mala kawan sahati―mandanga si Upiak ka kapasa―dibawok dek tuannyo—tuan si Mansun nan baru pulang—lalu dipasalangkan malah baju―awak sabaju samo gadang― sasuai sajo dek Upiak Boneh. Baju bakatua basusun dilihia―lihia bakala nan sajari—itu pakaian anak gadih―di maso zamannyo Upiak Boneh.
Lah sudah Upiak bapakaian—barangkek malah Sutan Mansur—sarato dangan Upiak Boneh―kan iyo ka pasa rami―ka gaduang ka Bukiktinggi―diseo bendi dari kampuang.
Tibo di pasa Bukiktinggi―dibali kain ka baju―dipiliah ragi dek si Upiak―baju dibali anam halai―balain ragi ka anamnyo―dibali pulo kain panjang―sarato kutang jo tarompa―salendang pulo tigo halai―ditambeh lai pitih saratuih,
Gadanglah hati si Upiak Boneh—lalu dibali daraham ameh―langkok sakali gandola ameh―cukuik mansora amieh pulo―tasirah lihia si Boneh-dibali subang galang jo cincin―tinggalah pitih tigo rupiah.
Dibali pulo bareh jo samba―ikan jo lawuak tujuah uang—lah panuah kambuik pambalian—baragak pulang hanyo lai-lalu diantakan dek Sutan Mansur―adiak kanduang si Upiak Boneh―pulang nan sampai ka kampuang Dalimo. Sanan bamalam si Sutan Mansur—pado malam samalam nantun―banyaklah kawan nan batamu―basuo jo sumo gadang―samo maurai parasaian—batamu pulo sanak famili―dicaliak pambalian ka adiaknyo―lai
214
