XII. JAKSA SUTAN MANSUR
Anak rang di Padang Panjang
pai ka gaduang ka Bukik Tinggi
Indak guno dirantang panjang
kaba disambuang hanyo lai.
Birawan si Sutan Mansur―alah sabulan duo bulan―lah sampai pulo tigo bulan―sajak babaliak dari kampuang―ranuh Minang kampuang tacinto―mambawok adiak si Upiak Boneh― dibawok marantau ka Batawi.
Lah sampai garan tigo bulan―batamu jodoh adiak kanduang―kan iyo si Upiak Boneh― dangan si Basir urang Lawang―guru sikolah di Palembang―nan baru sajo kamatian bini―sadang parolol ka Batawi. Dek hatta takadia Allah―sadang bajalan-jalan jo kawan-kawan nan samo urang Padang―diajak ka rumah Sutan Mansur-Ajung Jaksa urang awak―numnpak dek inyo si Upiak Boneh―hati lakek pandang lah sudah handuk mangganti bini nan hilang. Indak tarago dirantang panjang―dilakehkan sajo jalan kaba―badapek malah paretongan—rang mudo si guru Basir—datung sumando ka Sutan Mansur―ka jadi suami si Upiak Boneh. Ulak alainyao kato nantun―lah sudah paretongan di pabuek―lah sampai janji kutikonyo―dilansuangkan malah nikah kawin―alek nan indak gadang bana—baralek sakadar nan paralu. Alah salasai alek kawin―kan iyo si Upiak Boneh―dibawok sakali dek lakinyo―rang mudo si guru Basir―bagala Sutan Pangeran-ka nagari kota Palembang-tampek si guru sinan ma-aja. Sajak balaki si Upiak Boneh—sananglah hati Sutan Mansur―adiak nan gadih lah bajanjungan―tompangan iduik nan lah dapek―lapeh kawajiban manuruik adat―gadih gadang nan lah balaki.
Kononlah si Satin Mansur―sajak babaliak dari kampuang―alah mancaliak jo mato kapalo―baa sumangek urang di kampuang—taradok pamarentah panjajahan―panjajahan Ulando maso nantun—tasingguang parasaan nan lah lamo―handak babakti ka nagara―jaji nan lamo nak ditabuih―dituntuik alimu pangatahuan―di sam
216
