labiahnyo pulo nan bapangkek—indak bakatahuan jo rakyat badarai-bangkiklah sembong uju diri-labiah Ulando kadang kadang—dari Ulando nan sabananyo.
Adapun akan si Sutan Mansur—dek lamo lambek nan bak kian-lah sampal pulo duo tahun—sadang kasiah urang nan banyak—sadang sayang urang saparkumpulan—tibolah pulo surek pindah—sarato dangan bisuluiknyo—dipindahkan ka kota Medan—pangkeknyo naiak manjadi Jaksa. Mandanga pindah Jaksa Mansur—banyaklah urang ibo bacarai—tagah kabaa mangatokan—rancana sajo di tangan awak—putusan tatap di tangan Tuhan.
Pado hari nan ditantukan-barangkek malah Sutan Mansur—surato bininvyo Siti Dalipah—anak lah duo maso nantun—adiak si Rasid si Rasidah—si Samiyah gadih pambantu—indaknyo sato pai ka Medan—inyo ka pulang ka kampuangnyo-dilapeh bana dek Sutan Mansur—iyo salangkek saganoknyo. Ukatu barangkek Sutan Mansur—banyaklah urang nan malapeh—ado nan sampai maantakan—ka palabuahan Tanjuang Pariuak—diateh namo parakumpulan—mambarikan pulo tando mato—sabantuak cincin dari ameh—itulah garan tando mato—untuak manjadi kangan-kanangan.
Konon di Medan maso nantun—udaro nan sadang paneh bana—udaro paneh pargarakan—giat sagalo partai nan ado—banyaklah rapek diadokan—rapek politik tiok sabanta—pamimpin banyak basumangek—manyaru rakyat dalam pargarakan. Adapun surek kaba di maso itu—di kota Medan banyak nan tabik—ado surek kaba banamo Api—ado pulo banamo Topan—ado banamo Halilintar—macam-macam malah namonyo—baitu pulo di kota lain. Di namo surek kaba nan banyak nantun—nampak sumangek pargarakan—pargarakaa di maso panjajahan—ado pamimpin nan ditangkok—dimasuakkan ka dalam bui—dituduah mangganggu kaamanan—kaamanan panjajah sabananyo.
Lorong kapado Sutan Mansur— Jaksa nan baru di kota Medan—urangnyo arih bijaksano—tahu pirasaik garak garik-mansasuaikan diri inyo nan pandai—hati di dalam mamihak rakyat—tapi kalua indak mangasan—pandal manyuruak ilang-ilang—pandai mambuhua tak mangasan.
Kok ado pamimpin nan tatangkok—atau pun urang nanTemplat:Left
