tatuduah—bara garetak ariak suaro-pandai mangapik daun kunyik―kalau mamareso urang tahanan—di dalam biliak man samo surang-kalua tadanga nan lapuak lapak—lompek kaki sakayu kasah-sangaiklah bagak jaksa nantun—takuiklah urang mandangakan. Kalau dicaliak dalam biliak-sipak nan indak balalukan—tapuak tampa raso kaiyo-ado satangah urang tahanan-tangah raalam nan bajagokan-dibari nasihat elok-elok―kok ado piluang lati—disuruah lari ka ma nyo suko―kadang-kadang dibantu jo pitih—dilahia jadi pamarentah—di batin manolong pagarakan.
Kok ado pamimpin nan tatangkok―ditanyoi dek Sutan Mansur―tanyo nan dari hati ka hati―ditarangkan malah dek urang nuntun―parjuangan rakyat nyato-nyato―mandidik nak tahu banagari―mambantangkan parangai panjajahan―panjajah Ulando kolonial―mangawik mahabihkan Indonesia―inyo manjajah sampai kamari―di nagarinyo basanang-sanang―awak manajadi kudo baban―nyatolah awak di bumi awak—pusuko nan dari niniak muyang―itiak di ayia kahausan-ayam di kapuak kalaparan,
Lorong kapado Sutan Mansur―sajak ketek maraso susah-seso di bawah panjajahan―riwayat tak gune di ulang lai― kini lah patuaik nyo mambaleh―mambantu parjuangan bangso—lah putuih tekad dalam hati―handak mambantu sakuek tanago—barang sado bisa takawokan.
Dek pandai Jaksa Sutan Mansur―musahua inyo di kota Medan-amuah mambantu parjuangan rakyat―tapi tak nyato di Ulando―rumah tanggo aman jo damai―urang mamuji ka sadonyo.
—— tamat ——
219
