Ganti Murin-mandirikan sapanjang adat-adat urang sumando ma-nyumando-panjang pendeknyo tak disuhuik. Alali kawin si Ganti Murin-junjungan bagala Makudum Sali-tantangan adat parkawin-an-nan tapakai di nagari-cukuiklah itu kasamonyo-lorong dek Datuak Tumangguang Putiah-adat urang basumando-sabuah in-dak nan tingga-indak ado cacek salahnyo.
Kan iyo si Ganti Murin-lah ado kini bajunjungan-salasai pulo alek gadangnyo-alah sahari duo hari-lah sampai garan tigo hari-alah badamai jo suami-nan bagala Makudum Sati-bakasiah-kasiahan kaduonyo. Kununlah si Ganti Morin-sangat haromat ka suami-bajalan salangkah mintak ijin-bakalo sapatah basitinah-tabaokan adat dangan budi-indak panah manupang kato. Apo nan kato Makudum Sali-dituruik batako dek Ganti Murin-bapan-tang bakato kasa-barundiang salulu ambiak bawah-baitu ajaran tuannyo-nan bagala Datuak Tumangguang Putiah. Kan iyo Maku-dum Şati--maliek laku si Ganti Murin-sarato rupo nan elok pulo- bak basi baiak diringgiti-sangatlah sayang ka bininyo. Bakasiah-kasiahan kaduonyo-sapantun aua dangan tabiang-sanda manyan-da kaduonyo.
Ganti Murin namonyo puti
Makudum Sati gala suaminyo
Kok tapakaikan adat balaki bini
sinan rumah tanggo mangko santoso
Bukiktinggi tanah rang Kurai
basimpang jalan ka Panganak
Balaki bini kalau tak sasuai
minyak abih samba tak lamak
II. NAN TURUN KA KOTO GADANG
Kok tagak maninjau jarah
bajalan manjapuik labo
Panghulu basipat murah
bungka ganok manahan cubo
31
