dicacak—di alam Pulau Paco nangko. Pado maso kuliko itu—ciek nagari bani nan ado—iyolah Pariangan Padang Panjang salabiahnyo hutan jo rimbo—basambuang jo lauik basa—ado bapulau ciek-ciek—nan alun barisi urang.
Kononlah rajo maso itu-iyolah Sari Maharajo Dirajo—mamarentahkan Cati Bilang Pandai—naiak ka puncak Gunuang Marapi—supayo mamandang hilia jo mudiak—maliek kiri jo kanan—pandang jauah balayangkan—pandang dakek batukiakkan—nan saedaran Gunuang Marapi. Lah nampak tanah nan elok—tanah data leh laweh pulo-dipareso dek Cati Bilang Pandai—sarato dangan kawan-kawannyo—-ado katuju dalam hati-lalu—disampaikan kapado rajo.
Mandanga kaba tanah nantuun-sangatlah gadang hati rajo—dipareso pulo sakali lai—ado bakanan di hati rajo—mako pindahlah rajo nantun—dangan sabaleh urang kariknyo—surato anam baleh urang lain nan di lua karik rajo—langkok laki-laki padusinyo. Konon nagari baru nantun dinamoi Bungo Satangkai—sabab kutiko rajo tibo—kan iyo di nagari baru tu-rajo mandapek bungo satungkai—itulah asa namo nagari—mako banamo Bungo Satangkai.
Lamolah pulo antaronyo—didirikan Datuak salapan urang—rajo babaliak ka Pariangan Padang Panjang—sarato Cati Bilang Pandai—tinggallah Datuak Nan Salapan—salapan pulo batu kagadangannyo—dinamoi Datuak Nan Salapan Batu—dalam nagari Bungo Satangkai. Allah Taala mantakadiakan-di halaman tampek tingga rajo—kan iyo di Bungo Satangkai—kalua sabuah anak sungai—nan datang dari rumpun tarok—sabab kajadian nan bak kian—Bungo Satangkai dialiah namo—banamo dangan Sungai Tarab—sampai sakarang kini nangko.
Lah lamo pulo antaronyo—gadanglah Datuak Katumanggungan—sarato Datuak Parpatiah nan Sabatang—tigo jo Datuak Sari Maharajo Nan Banago-nago—baru diangkek jadi panghulu-akan jadi kulipah rajo. Sadangkan Cati Bilang Pandai—duo jo Datuak Suri Dirajo—kulipah pulo dari nan batigo tu—barulah hidayat hiduik-hiduik—cadiak nan bukan alang-alang—lagi jauhari bijaksana.
Ado kupado suatu hari—mupakat Datuak Katumanggungan—duo jo Datuak Parpatiah Nan Sabatang—tigo jo Datuak Sari Maharajo Nan Banago-nago—sarato Cati Bilang Pandai dangan Datuak
33
