Tumangguang Putiah-basamo sidang nan rapek. Pihak hadirin ka sadonyo-indak surang pun anan manipang-niat baiak mukasuik elok-bak basi baiak diringgiti. Putujh mupakat maso nantun-
akan bapindah sabahagian-dibawah pimpinan Tumangguang Putiah-mancari tanah nan lain-arah ka mato hari mati-sabalah ka kaki Gunuang Singgalang-karano di sinan tanah nan kosong-manuruik kabanan tadanga. Indak lamo doh antaronyo-lah di-tantukan rombongan nan ka pai-sarato dangan nan ka tingga-di antaro rombongan nan ka pai-tamasuak dunsanak kanduang-adiak dek Datuak Tumangguang Putiah-nan banamo si Ganti Murin-sarato dangan suaminyo-nan bagala Makudum Satí.
Itulah asa mulonyo-katurunan Tumangguang Putiah-takalo darek ka barantau-iyolak rantau ka badarek-nan turun dari VI Koto Koto Laweh Pandam Sjkek-ka Padang Tarok V Koto-iyo ka Canduang Koto Laweh-nan banamo Padang Tarok-turun ka Agam Balai Gurah banano Biaro Balai Gurah-turun ka Sariak Sungai Pua-turun ka Salo Bukik Kamang- turun ka Çupak Sungai Tanang turun ka IV Koto mancancang mafateh di dalam nagari Koto Gadang-banamo Gantiang Ladang Laweh-nan turun dari Pariangan Padang Panjang-anak cucu Katumanggungan-Mangkutak Mangkuto Alam-nan bagala Tumangguang Putiah.
Mulo partamo nagari asa
Iyolah Pariangan Padang Panjang
Batambal kambang manusia
dicancang lateh kayu ditabang
Kalau basuo tampek nan rancak
bak puncak bukik tiado bakayo
Asa mulo badiri taratak
ka tampek kaum duo jo tigo
Taratak ketek batambah juo
banyaklah kaum nan mahunyi
Taratak barubah dusun namonyo
ampek limo rumah tadiri
37
