Samporono rabah batang nan tagak
ado barumah ampek jo limo
Taratak batuo rumah bamamak
dusun kok gadang banamo koto
Gadang dusun manjadi koto
dari koto jadi nagari
Nan ampek jinih pun ado pulo
balukih batuangan basasap bajarami
Mangkutak Mangkuto Alam
bagala Tumangguang Putiah
Talatak sabanta kalam
kiro-kiro sakpua siriah
III. ANAK CUCU SI GANTI MURIN
Niniak bagala Tumangguang Putiah
si Ganti Murin namo adiaknyo
Kalam taranti sakapua siriah
kini ko kito sambuang pulo
Ulak alainyo kaba nantun -kononlah Datuak Tumangguang Putiah duo jo adiak Ganti Murin-Ganti Murin dangan suami-nyo-bagala Makudum Sati-sarato urang nan maikuik-lah turun sampai ka Koto Gadang-tanah nan data bukan kapalang-tahampa di kaki bukik-di bawah kaki gunuang Singgalang -dalam daerah Luhak Agam. Mancancang lateh baliau di sanan- dari taratak manjadi dusun-dari dusun manjadi kota-koto manjadi koto gadang- karano gadang bangun kotonyo.
Lah lamo pulo antaronyo--sampailah hamil Ganti Murin- sambilan bulan ka lamonyo-lahialah anak parampuan-anak nan suluang padusi pulo-rancak nan bukan alang kapalang-dibari namo dek bapak mandeh-"Rantang" namonyo anak nantun.
Adapun kamudian daripado itu-Allah Taala manggarakkan-lahia pulo adiak si Rantang-saurang anak parampuan-dibari pulo malah banamo-si Tapih namonyo nan kaduo. Adapun kamudian daripado ítu-lahia pulo adiak si Tapih-surang anak parampuan
38
