juo-anak nan katigo dek Ganti Murin rancak bak bulan ampek baleh-dinamoi pulo jo si Bulan. Adapun kamudian daripado itu- dek maso bajalan juo-rahmat nan datang dari Tuhan-lahia pulo adiak si Bulan--surang anak parampuan juo-anak nan kaampek
dek mandehnyo-roman elok bacayo-cayo-bak bintang di malam hari-dibari namo jo si Bintang. Adapun kamudian daripada itu- Allah Taala kayo sungguah-sakian pulo maso bajalan--lahia pulo adiak si Bintang-surang anak parampuan juo-elok roman bak dayang puti-anak kalimo dek Ganti Murin-dinamoi dangan si Dayang. Adapun kamudian daripado itu--untuang ka elok dek Ganti Murin-rahmat nan datang batimpo-timpo-tibo pulo maso malahiakan-malahiakan anak nan kaanam-adiak kanduang dek si Dayang-surang anak parampuan juo- dibari namo dangan Tinah. Adapun kamudian daripado itu Ganti Murin lah hamil pulo--ganok bulannyo sambilan bulan--lahialah pulo adiak si Tinah--Surang anak parampuan juo--dinamoi Reno Sari Dunia.
Itulah anak Ganti Murin-dangan suaminyo Makudum Sati- kamanakan kontan Tumangguang Putiah-banyaknyo batujuah urang parampuan sajo katujuahnyo-tandonyo rumah leh ka baunyi tandonyo badan leh kakambang. Pihak di mamak Tu-mangguan Putiah-sarato mandeh si Ganti Murin-tigo jo bapak Makudum Sati. Lorong kapado anak kamanakan nantun-lai ba-tunjuak baajai-masak pangaja pagi patang--caro manjadi anak padusi-limpapeh rumah nan gadang-iyo bana bak pantun urang.
Alim pandito dalam nagari
saluah nan tarang jadi palito
Sipat parampuan pulo dikaji
parhiasan alam dan rumah tanggo
Rang Lasi pai baburu
dapeklah ruso balang kaki
Padusi kalau tak bamalu
ibarat kapa tak bakamudi
Dek ribujk runduaklah padi
di cupak Datuak Tumangguang
39
