Parampuan kok indak baaka budi
duduak tagak kumarl tangguang
Tabang barabah duo kali lapan
digaro anak puti-puti
Elok rumah dek parampuan
patuah satia ka suami
Dek ulah tajam pisau sirauik
batang nan tuo dikarek-karek
Parampuan sipatnyo lunak lambuik
ganggamnyo taguah janjinyo arek
Rang Kurai rang Bukittinggi
luhak banamo Luhak Agam
Parampuan nan pandai manjago diri
kunci nan arek biliak nan dalam
Mamak manunjuak maajai—nan jadi sipat di parampuan—supayo bahati saba—manuruik sagalo parentah suami-sarato ibu dangan bapo baiak niniak sarato mamak-atau pun urang tuo-tuo—marandahkan diri bakato-kato—itu tandanyo urang babudi. Diaja pulo tarutik sopan—sarato parangai nan baiak—maindakan parangai buruak—nan ka jadi cacek calo-baiak taradok diri sandiri—atau taradok ka suami—atau kapado kaum kirabat-saratoniniak dangan mamak. Ditunjuakkan adab basopan santun-antaro sasamo hambo Allah—patuik bana bakasiah-kasiahan—dangan sahabat dan kanalan—dangan dunsanak saudaro—sarato kaum jo kirabat. Caro haromat ka ibu bapo—sarato sagalo guru-guru—baiak pun mamak dangan ninjik—sarato ureng mulia-mulia. Nan tuo wajib dimuliakan—nan mudo patuik dikasihi—samo pgdang di pabasokan—baitu adab paragaulan. Ditambalkan pulo palajaran—caro bakorong jo bakampuang—adat bakaum bakirabat—kok suko samo tagalak—kalau duko samo manangih—batolong-tolongan di nan kabaikan—usah batolong-tolongan di nan buruak—jalan maksiat atau aniayo. Usah mamakai kijik kianat—sarato lobo dangan tamak—usah pulo badangki-dangkian—antarao sasamo hambo Ailah—usah bamasam-masam muko—antaro sagalo manusia—itulah
40
