adab nan patuik jadi pakaian tiok hari.
Diajakan pulo caro taratik baiak taradok rajo-rajo taradok urang basa mulia atau ka urang tuo-tuo ibu bapo sagalo guru tarudok niniak dangan mamak. Jokok manjawek sasuatu, latakkan tangan nan suok di ateh tangan nan kida. Jokok maonyokkan sasuatu barang duduak maadok jo basimpuah kalau bajalan mungudian--mintaklah ijin kok nak dahulu. Kok tibo ukatu minun-minun sarato dangan makan dangan sagalo nan tuo-tuo, handaklah makan mangudian usah mamacah-macah nasi atau mangalatiak-ngalatiakkan tangan, labiahkan manakua dari maningadah atau pun dalam bakato-kato handaklah dangan lamah lambuik. Kalau tapakai nan bak kian adab taratik sopan santun tapaliharo dari upek jo cacek, babudi elok baparbasaan bapakaikan adat di nagari atau di dalam alam nangko.
Lah lamo pulo antaronyo namun hari bajalan juo, nan ketek kini lah gadang di antaro padih nan batujuah baranam Iah patuik basuami. Nan tuo si upiak Rantang, kaduo si gadih Tapih, katigo si puti Bulan, kaampek si upiak Bintang, kalimo si puti Dayang, kaanam si gadih Timah. Allah Taala mantakadiakan dapeklah jodah kaanamnyo, disingkokkan sajo malah kaba alah basuami kaanamnyo pihak di mandeh Ganti Murin, sarato bapak Makudum Sati anak nan anam jadi duo baleh. Duo baleh dangan minantu sangatlah gadang suko hati taraso kayo badan diri. Tinggalah surang anak nan bungsu nan balun lai bapasuamikan sabab dek ketek mudo matah balun lai elok bajunjuangan nan banamo Reno Sari Dunia.
Nasib ka elok dek Ganti Murin indak lamo pulo antaronyo barakat rahmat dari Tuhan-lah hamil anak nan tuo nan banamo si upiak Rantang-lah ganok kandungan sambilan bulan di hari baiak bulan baiak, malahiakan malah si upiak Rantang saurang anak laki-laki. Alangkah gadang bana hati Ganti Murin jo Makudum Sati sarato dangan Tumangguang Putiah mandapek cucu nan paratamo cucu ditimang lakeh gadang baitu bana nan kandak hati.
Indak lamo pulo antaronyo hamil pulo si gadih Tapih anak si Ganti nan kaduo dari sabulan ka sabulan kandungan samangkin
41
