gadang juo ganoklah sampai sambilan bulan tibo ukatu pacah katuban-malahiakan si gadih Tapih --saurang anak laki-laki.-Pihak kapado Ganti Murin-sarato suami Makudum Sati--baitu pulo Tumangguang Putiah batambah sanang juo hati mandapek cucu surang lai lah duo bilangan cucu kanduang-laki-laki kaduonyo.
Indak lamo pulo antaronyo-hamillah anak nan katigo nan banamo si puti Bulan- kandungan basentak naiak-dari sabulan ka duo bulan-tigo ampek limo anam sampailah cukuik bilangan hari-bulan ganok masonyo tibo -sambilan bulan sapuluah hari- tibo ukatu malahiakan- baranak malah si puti Bulan-lahialah anak laki-laki. Batambah suko ibu bapo-ibu bapo dek puti Bulan saruto niniak Tumangguang Putiah baruliah cucu nan katigo--alah batigo laki-laki.
Indak lamo pulo antaronyo-tibo geleran di nan kaampek anak kaampek dek Ganti Murin-sarato dengan Makudum Sati- nan banamo si upiak Binang manganduang pulo paja nantun-- kian bulan batambah barek sampai pulo maso kutikonyo -kan iyo sambilan bulan-dek hatta takadia Allah-malaliakan pulo surang anak-jinihnyo anak laki-laki. Cucu kaampek disambuik pulo-dangan hati suci muko janiah pihak kapado niniak-niniak- nyo-tamasuak Datuak. Tumangguang Putiah.
Kononlah Tumangguang Putiah-lah ampek urang cucu lahia kaampeknyo cucu laki-laki-anak kamanakan nan baram- pek-si Rantang jo si Tapih, si Bulan jo si Bintang - tanial bana dalam hati-sajak ketek handak diaja-sagalo alimu man patuik diajakan-tamasuak alimu silek manyilek-untuak pamaga badan diri-sakiro bahayo datang manimpo. Karano musuah indak dicari- cari-basuo pantang mailakkan- itu landonyo laki-laki- nan tahu di harago diri.
Ulak alainyo kato nantun-baru lah gadang cucu-cucu-lah patuik ditunjuak diajai ditabuih niat jo karajo-ditunjuak diajan kaampeknyo-alimu lahia sarato batin diaja pulo bapancak silek - dibuek sasaran nan tartantu-diaja pulo caro baradat adat bakaum bakaluargo--adat bakoto banagari. Apo karajo dalam kampuang- kok suko samo tagalak kok duko samo manangih umpamo basa- wah jo baladang-atau kok tumbuah kamatian tibo nan baiak
42
