baimbauan-tibo nan buruak baambauan. Kok paikarano suruah- kalau baranţi karano tagah--sagalo karajo nan dikakok-handaklah satahu panghulu juo-atau pun urang luo-tuo-sarato dunsanak nan patuik-patuik. Itulah adat bakaum bakaluargo-adat bahapak baranak-baipa babisan baindu basuku batali jo adat limbago-- nan basaluak urek bajumbai aka-balemba pucuak namonyo.. jokok manyuruak samo bungkuak-kalau malompek samo patah kok ka aia samo basah-kalau ka api samo latuik-saciok bak ayam-sadanciang bak basi.
Ladang babintalak
kok rimbo barajoki
Adat babula sintak
syarak babuhua mati
Babari babalabeh
baukua jo bajangko
Bapikia manuruik barih balabeh
barih diukua balabeh dijangko
Baril baukua jo papatah
iyolah barih nan buanggo
Balabeh baukua jo patitih
iyolah balabeh nan batanggo
Tumangguang Putiah mamhari nasihat
taradok kapado cucu-cucunyo
Lah patuik pulo kiro istirahat
baranti kito sakira-kiro
IV. INGIN MERANTAU
Kambang nagari di IV Koto
Koto gadang nagari asa
Alah baranti sakira-kiro
disambuang pulo kaba nan tingga
Adapun nagari Koto Gadang kian samo tambah rami sam-
43
