pai ado nan tigo jurai satu Sianok kaduo Guguak-katigo Tabek Sarojo-bainduak ka Koto Gadang-itu banamo IV Koto.
Birawari Datuak Tumangguang Putiah-handak bajalan hanyo lai-maninjau tanah nan leba-mamareso hutan nan laweh-sabalah mato hari mati-arah ka kaki Gunuang Singgalang-rimbo nan rawan maso nantun. Pado kutiko hati baiak-sadang bulan pun baiak pulo lalu bajalan maso ilu-Tumangguang Putiah jo pangi- riang-manuruik sakandak hati-indaklah ado tujuan nyato. Dek lamo bakalamoan--bajalan juo maso nantun-tibo di lurah lah di- turuni-tibo di bukik lah didaki bajalan juo bajalan juo-makan tidak minumpun tidak-dek lamo lambek di jalan-tampak sabuah padang nan laweh -laweh nan bukan alang kapalang. Kononlah Tumangguang Putiah-lalu dituju padang nantun-dek lamo baka- lamoan-barakat yakin inyo bajalan-lah tibo inyo di sanan-iyo di padang laweh nantun -bukan kapalang ka lawehnyo.
Pado maso kutiko itu-hari paneh bukan kapalang-bagai ka pacah ubun-ubun--bagai ka ratak ampu kaki-sabuah indak palin- duangan, angek paneh badantiang-dantiang-Allahu Rabbi nan ka tahu. Ado sabanta antaronyo-tasabuik Datuak Tumangguang Putiah inyo manampak sabuah batu-batu hampa rancak bata- duah-lalu ditingkek batu nantun-nak buliah tampek balinduang- endah batu bukan kapalang-sanang saketek dalam hati.
Alah sahari nan bak kian-lah duo hari nan bak kian-duduak di ateh batu hampa-bagai urang sadang batapa--tagarak pulo handak bajalan mukasuík sangajo dalam hati-manaruihkan paja- lanan maso itu. Mako tagaklah Tumangguang Putiah-pandang dilapeh kiri jo kanan-pandang jauah balayangkan-pandang dakek batukiakkan-tampak sabatang kayu gadang--rimbun rampak bukan kapalang-lalu tapikia dalam hati -handak manuju kayu nantun. Bulek pikiran maso itu-sanan bajalan hanyo lai--batang kayu jadi tujuan kayu rimbun kayu nan rampak-sambia bapikia- pikia juo--kayu apolah namonyo garan-mungkin ikolah kayu "ampalu"-kayu ampala janyo urang.
Kononlah Tumangguang Putiah tabik pangana nak maman- jek-mako dipanjek kayu nantun-dipanjek lalu ka pucuaknyo. Alal tibo di puncak kayu-mahingo inyo kiri kanan-pandang
44
